كومپانيا 3 قاڭتاردان باستاپ «TRANSCARD» كولىك كارتالارىنىڭ قۇنى وزگەرەتىنىن حابارلادى. دەربەستەندىرىلگەن كولىك كارتالارىن باستاپقى شىعارۋ قۇنى – ققس-پەن بىرگە 1000 تەڭگەنى (بۇرىنعى باعاسى 800 تەڭگە), قايتا شىعارۋ قۇنى ققس-پەن بىرگە 2000 تەڭگەنى (بۇرىنعى باعاسى 1500 تەڭگە) قۇرايدى. دەربەستەندىرىلمەگەن كولىك كارتالارىنىڭ قۇنى – ققس-پەن بىرگە 1000 تەڭگە بولادى.
«باعانىڭ ءوسۋ سەبەبى كولىك كارتالارىنىڭ ساتىپ الۋ قۇنىنىڭ ەداۋىر وسۋىنە بايلانىستى. سونىمەن قاتار بيىل قولدانىستاعى جابدىقتىڭ توزۋىنا بايلانىستى كولىك كارتالارىن باسىپ شىعارۋ جونىندەگى مامانداندىرىلعان كاسسا جابدىعىن جاڭعىرتۋ جۇرگىزىلدى», دەلىنگەن سity Transportation Systems تاراتقان اقپاراتتا.
ايتا كەتەيىك, 2020 جىلدىڭ ناۋرىز ايىنان باستاپ ەلوردانىڭ بارلىق كامەلەتكە تولماعان تۇرعىندارى ءۇشىن قوعامدىق كولىكتە ءجۇرۋ تەگىن. ساپار كەزىندە كولىك كارتاسىن راستاۋ قاجەت. بۇل جولاۋشىلار اعىنىن كورۋگە جانە باسىم باعىتتاردى انىقتاۋعا مۇمكىندىك بەرەدى.
