جەدەل الدىن الۋ ءىس-شاراسىنا رەيدتىك توپتار قۇرىلىپ, ولار 86 الدىن الۋ ءىس-شاراسىن جۇرگىزدى. جۇمىستىڭ العاشقى كۇنى پيروتەحنيكالىق ونىمدەردى زاڭسىز ساتۋدىڭ 13 فاكتىسى انىقتالدى. ولارعا قاتىستى قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 196-بابىنا (تاۋارلارمەن نەمەسە وزگە دە زاتتارمەن زاڭسىزساۋدا جاساۋ) بويىنشا حاتتاما تولتىرىلدى.
«بارلىعى 842 مىڭعا ايىپپۇل سالىنىپ, 214 پيروتەحنيكالىق ءونىم تاركىلەنىپ الىندى. ماسەلەن, قاراعاندى قالاسىنداعى بازارلاردىڭ بىرىنەن ەشقانداي قۇجاتسىز پيروتەحنيكالىق ونىمدەر ساتقان ەكى ادام انىقتالدى. ولار وسى ارەكەتتەرىمەن قازاقستان رەسپۋبليكاسى اكىمشىلىك قۇقىق بۇزۋشىلىق كودەكسىنىڭ 196-بابىنا سايكەس اكىمشىلىك قۇقىق بۇزۋشىلىق جاسادى. بىرەۋىنەن 27 تيىم سالىنعان زات الىنسا, ەكىنشىسىنەن كولىگىنىڭ جۇك سالعىش بولىگىندە ساتىلىپ جاتقان 17 پيروتەحنيكالىق زات تاركىلەندى», دەلىنگەن Polisia.kz تاراتقان اقپاراتتا.
سونداي-اق تەمىرتاۋ قالاسىندا 41 جاستاعى قالا تۇرعىنىمەن زاڭسىز ساتىلىپ جاتقان پيروتەحنيكالىق ونىمدەردىڭ جولى كەسىلدى. ودان 11 پيروتەحنيكالىق زات تاركىلەندى. ال بالقاش قالاسىندا 21 جاستاعى ازامات ينتەرنەت ارقىلى پيروتەحنيكالىق ونىمدەردى ساتقانى ءۇشىن جاۋاپكەرشىلىككە تارتىلدى. پوليتسيا قىزمەتكەرلەرى ازاماتتى 8 پيروتەحنيكالىق ءونىمدى ساتۋ بارىسىندا نازارعا الىپ, جاۋاپكەرشىلىككە تارتتى.
