جالپى جوبا الەۋمەتتىك جانە قوعامدىق ماسەلەلەردى شەشۋدە بەلسەندى بولعان ۆولونتەرلەر مەن ۆولونتەرلىك ۇيىمداردى ىنتالاندىرۋعا باعىتتالعان. ءىس-شارانىڭ ۇيىمداستىرۋشىسى – استانا قالاسى اكىمدىگىنىڭ «استانا جاستارى» جرو» كوممۋنالدىق مەملەكەتتىك مەكەمەسى جاستار ساياساتى ماسەلەلەرى باسقارماسى.
«Volunteer FEST» فەستيۆالىندە جىل بويى استانا قالاسىندا بەلسەندى ءارى ەلوردادا ۇزاق ۋاقىت جۇمىس ىستەپ كەلە جاتقان ۇيىمدار مەن ەرىكتى توپتاردى ماراپاتتادىق. ولاردىڭ ىشىندە ەكولوگيالىق, الەۋمەتتىك, توتەنشە جاعداي جانە ينكليۋزيۆتى, قوعامدىق ءتارتىپ پەن مەديتسينا سالاسىنا قاتىسى بار ۆولونتەرلىك ۇجىمدار بار», دەدى «استانا جاستارى» جاستار رەسۋرستىق ورتالىعىنىڭ ءبولىم باسشىسى ارايلىم ءساپارالى.
بيىل ەرىكتىلەر قاتارى وتكەن جىلمەن سالىستىرعاندا ەداۋىر كوبەيگەن. ءارى ەلورداداعى ۆولونتەرلەر قاتارى ورتا بۋىن وكىلدەرىمەن تولىعىپتى. ولاردىڭ قاتارىندا «Dobro.qz» باستاماشىل ەرىكتىلەر توبى دا بار.
ء«بىزدىڭ ۆولونتەرلىك ۇيىم 2017 جىلى قۇرىلدى. قازىر ۇجىمدا 63 ەرىكتى بار. ولاردىڭ دەنى 18-دەن جوعارى جاستار. اراسىندا 50 جاسقا دەيىنگى ورتا بۋىن وكىلدەرى دە بار. وسى ۋاقىتقا دەيىن الەۋمەتتىك از قامتىلعان وتباسىلارعا جانە توتەنشە وقيعالار كەزىندە قيىن جاعدايدا قالعان جاندارعا كومەكتەسىپ كەلەمىز. ەلدەگى پاندەميا تۇسىندا دا ۆولونتەرلىك ۇجىم قۇر قول وتىرمادى», دەدى «Dobro.qz» باستاماشىل ەرىكتىلەر توبىنىڭ جەتەكشىسى ادەما ەسەمباەۆا.
بەيبىتشىلىك جانە كەلىسىم سارايىندا وتكەن فەستيۆالدە مەيىرىمدى جۇرەكتەرگە ارنايى ەلىمىزگە بەلگىلى ەسترادا جۇلدىزدارى اننەن شاشۋ شاشىپ, كوڭىل-كۇي سىيلادى.
زەيىن ەرعالي,
«Egemen Qazaqstan»
