سەرىك جۇماباەۆ - قر دەنساۋلىق ساقتاۋ ءىسىنىڭ ۇزدىگى, 2008 جىلى قازاقستاننىڭ ۇزدىك وفتالمولوگى اتانعان.
قوستاناي وبلىسى اكىمدىگى دەنساۋلىق ساقتاۋ باسقارماسىنىڭ «قوستاناي وبلىستىق وفتالمولوگيالىق اۋرۋحاناسى» شجق مكك جوعارى بىلىكتىلىك ساناتتى وفتالمولوگ-دارىگەرى بولعان.
ەڭبەك جولىن الماتى قالاسىنداعى كوز اۋرۋلارى قازعزي-دە دارىگەر-ينتەرن بولىپ باستاعان. كەيىننەن تورعاي وبلىسىنىڭ اۋدانارالىق كوز ءبولىمىن باسقاردى. الماتى ق. كوز اۋرۋلارى قازعزي بازاسىندا ەكى جىلدىق كلينيكالىق ورديناتۋرادان ءوتتى. كوز اۋرۋلارى قازعزي رەسپۋبليكالىق لازەرلىك ورتالىعىنىڭ وفتالمولوگ-دارىگەرى بولىپ جۇمىس ىستەگەن. تورعاي وبلىستىق اۋرۋحاناسىنىڭ كوز ءبولىمىنىڭ مەڭگەرۋشىسى بولعان.
قوستاناي وبلىستىق وفتالمولوگيالىق اۋرۋحاناسىنىڭ ستاتسيونارلىق بولىمشەسىن باسقاردى.
ول 30 جىلدان استام ۋاقىت بويى قازاقستاندا لازەرلىك حيرۋرگيانى دامىتىپ, تورلى قابىقتىڭ بولىنۋىنە بايلانىستى وپەراتسيالاردى, كاتاراكتا مەن گلاۋكومانى جەدەل ەمدەۋدىڭ زاماناۋي يننوۆاتسيالىق تەحنولوگياسىن ەنگىزدى.
سەرىك جۇماباەۆ وفتالموحيرۋرگ دارىگەرلەردىڭ بىرنەشە بۋىنىن تاربيەلەگەن.
ول سونداي-اق دەنساۋلىق ساقتاۋ مينيسترلىگىنىڭ, وبلىس اكىمىنىڭ, وبلىستىق دەنساۋلىق ساقتاۋ باسقارماسىنىڭ قۇرمەت گراموتالارىمەن ماراپاتتالعان.
