قالاداعى ءىرى ساۋدا جەلىلەرىنە «اينالىم تەتىگى» بويىنشا زايمدار بولىنەدى, ونىڭ نەگىزىندە اۋىل شارۋاشىلىعى جارمەڭكەلەرى وتكىزىلەدى, وڭىرلەردىڭ شارۋالارىمەن شارتتار جاسالادى, ازىق-ت ۇلىك تاۋارلارىنا باعا بەلگىلەۋدە دەلدالدىق سحەمالاردى تەرگەۋ جونىندەگى وڭىرلىك كوميسسيا جۇمىس ىستەيدى, ءۇي جانىنداعى دۇكەندەردىڭ باعا ۇستەمەسىن ساقتاۋى بويىنشا ءموبيلدى مونيتورينگتىك توپتار جۇمىس ىستەيدى. اتالعان ءىس-شارالار الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن تۇراقتاندىرۋعا مۇمكىندىك بەرەدى.
بۇل رەتتە ەلوردا اكىمى جەڭىس قاسىمبەك ازىق-ت ۇلىك بازارلارىنىڭ, ءىرى ساۋدا جەلىلەرىنىڭ وكىلدەرىمەن, وندىرۋشىلەرمەن كەزدەستى.
جيىنعا قر ساۋدا جانە ينتەگراتسيا ءبىرىنشى ۆيتسە-ءمينيسترى ە.شاكقاليەۆ, قر باسەكەلەستىكتى قورعاۋ جانە دامىتۋ اگەنتتىگىنىڭ استانالىق دەپارتامەنتىنىڭ باسشىسى ا.كىشكەنباەۆ, قر اۋىل شارۋاشىلىعى مينيسترلىگىنىڭ جانە باسقا دا جاۋاپتى مەملەكەتتىك ورگانداردىڭ وكىلدەرى قاتىستى.
كەزدەسۋدە الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن ۇستاپ تۇرۋ, ازىق-ت ۇلىكتى ۋاقىتىلى جەتكىزۋ, مونيتورينگتىك توپتاردىڭ جۇمىسىن جانداندىرۋ ماسەلەلەرى قوزعالدى.
جەڭىس قاسىمبەك الەۋمەتتىك ماڭىزى بار ونىمدەردىڭ باعاسىن ۇستاپ تۇرۋ جانە باعا ۇستەمەسىن ساقتاۋ بويىنشا مونيتورينگتىك توپتاردىڭ جۇمىسىن جانداندىرۋدى, 2023 جىلعا جەڭىلدىكتى شارتتار جاساسۋعا ارنالعان ازىق-ت ۇلىك تاۋارلارىنىڭ كولەمىن انىقتاۋدى, كاسىپكەرلەرگە ونىمدەر جەتكىزۋ بويىنشا شارتتىق مىندەتتەمەلەردى تولىق كولەمدە ورىنداۋدى تاپسىردى. سونداي-اق كاسىپكەرلەردى الەۋمەتتىك جاۋاپكەرشىلىكتى كورسەتۋگە جانە الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋعا ءوز ۇلەستەرىن قوسۋعا شاقىردى.
ايتا كەتسەك, استانادا ازىق-ت ۇلىك قاۋىپسىزدىگىن قامتاماسىز ەتۋ ءۇشىن وندىرىستىك-تاماق كەشەنىنىڭ (نان زاۋىتى, ءسۇت وڭدەۋ زاۋىتى, كوكونىس قويماسى), نان-توقاش, ۇن جانە كونديتەرلىك ونىمدەردى دايىنداۋ جونىندەگى وندىرىستىك كەشەننىڭ, لوگيستيكالىق ورتالىقتاردىڭ قۇرىلىسى ءجۇرىپ جاتىر.
ماسەلەن, نان زاۋىتىن جانە كوكونىس قويماسىن 2023 جىلى پايدالانۋعا بەرۋ جوسپارلانىپ وتىر. ال ءسۇت وڭدەۋ زاۋىتى 2024 جىلى ىسكە قوسىلادى دەپ جوسپارلانىپ وتىر.
