بۇگىنگى تاڭدا ەلورداداعى اۆتوموبيل جولدارىنىڭ جالپى ۇزىندىعى 868,3 كم, 803,7 كم نەمەسە 92,6% اسفالتبەتون جابىنى بار.
سپيكەردىڭ ايتۋىنشا, سوڭعى ءۇش جىلدا قالادا ۇزىندىعى 165 كم بولاتىن 300-گە جۋىق كوشە سالىنىپ, 140 كم-گە جۋىق جول جوندەلگەن.
سونىمەن قاتار تۇرعىن ءۇي الاپتارىن دامىتۋ جوسپارىنا سايكەس سوڭعى 4 جىلدا ۇزىندىعى 84,4 كم 250 كوشە اسفاسلتتالدى.
«بۇگىنگى تاڭدا قالانىڭ جول-كولىك ينفراقۇرىلىمى 60 كوپىر مەن قۇرىلىستان تۇرادى. ونىڭ ىشىندە 23 ۇلكەن جانە كىشى كوپىر, 6 جاياۋ كوپىر, 9 وتكەل, 8 كولىك ايىرباسى, 10 جەراستى جاياۋ جۇرگىنشىلەر وتكەلى جانە 4 جەر ءۇستى جاياۋ جۇرگىنشىلەر وتكەلى بار. بيىلعى جىلى ۇلى دالا داڭعىلىندا كوپىر اشىلدى, ول ىرگەلەس ماگيسترالدىق كوشەلەردى ءىشىنارا تۇسىرۋگە مۇمكىندىك بەردى, جاڭا «نۇرلى جول» ۆوكزالىنىڭ, تەلمان جانە پرومىشلەننىي تۇرعىن الاپتارىنىڭ قولجەتىمدىلىگىن ارتتىردى», دەدى نۇركەنوۆ.
سونىمەن قاتار بيىل ا62 كوشەسى بويىنشا ا91 (قورداي) كوشەسىنەن استانا-قاراعاندى تاسجولىنا دەيىنگى ۋچاسكەدە قوزعالىس اشىلدى. وسىلايشا, قاراعاندى تاسجولى مەن «نۇرلى جول» تەمىرجول ۆوكزالى مەن قالانىڭ سول جاعالاۋى اراسىندا كولىك قاتىناسى قامتاماسىز ەتىلدى. بۇل شارالار ناجىمەدەنوۆ پەن بايتۇرسىنوۆ كوشەلەرىن تۇسىرۋگە مۇمكىندىك بەردى. سونداي-اق ترانزيتتىك كولىكتىڭ ءبىر بولىگى قوشقارباەۆ داڭعىلىنان, ايناكول كوشەسىنەن, ابىلايحان داڭعىلىنان جانە قوبدا كوشەسىنەن جانە ت. ب. كەتەدى.
«2023 جىلى جول-كولىك ينفراقۇرىلىمىن دامىتۋ, اتاپ ايتقاندا ۇزىندىعى 50 كم-دەن اساتىن جاڭا كوشەلەر سالۋ, قازىرگى جولداردىڭ جاي-كۇيىن قولداۋ, سونداي-اق ەسىل وزەنى ارقىلى تاۋەلسىزدىك داڭعىلىندا جاڭا اۆتوموبيل كوپىرىن اشۋ بويىنشا ودان ءارى جۇمىس جوسپارلانۋدا. بۇل كوپىر تاۋەلسىزدىك داڭعىلىنىڭ, جاڭا تەمىرجول ۆوكزالى, ازىرەت سۇلتان مەشىتى اۋداندارىنىڭ سول جاعالاۋمەن قوسىمشا بايلانىسىن قامتاماسىز ەتۋگە مۇمكىندىك بەرەدى», دەپ قورىتىندىلادى اكىمنىڭ ورىنباسارى.
