قوعام • 21 جەلتوقسان، 2022

قازاقستان-وزبەكستان بيزنەس-فورۋمىندا 40 قۇجاتقا قول قويىلدى

76 رەت كورسەتىلدى

ءتورتىنشى وڭىرارالىق قازاقستان-وزبەكستان بيزنەس-فورۋمى اياسىندا ەكىجاقتى ينۆەستيتسيالىق جانە ساۋدا-ەكونوميكالىق بايلانىستى نىعايتۋعا ارنالعان جالپى قۇنى شامامەن 2،5 ملرد دوللارعا جەتەتىن 40 قۇجاتقا قول قويىلدى، دەپ حابارلايدى Egemen.kz.

ەكى ەلدىڭ كومپانيالارى Chevrolet ماركالى اۆتوكولىكتەردىڭ جيناقتارى جانە بولشەكتەرىمەن قامتاماسىز ەتۋ، كەراميكالىق پليتكالار مەن ينفۋزيالىق ەرىتىندىلەردى ءوندىرۋ بويىنشا بىرلەسكەن جوبالاردى ىسكە اسىرىپ، سونداي-اق جۇمساق ءيىرىمجىپ، گيپس، پوليپروپيلەن قاپتارى جانە تاعى دا باسقا وندىرىستىك جوبالاردى جۇزەگە اسىرماق نيەتتە.

ف

اتالعان بيزنەس فورۋم قر پرەمەر-ءمينيسترىنىڭ ورىنباسارى – ساۋدا جانە ينتەگراتسيا ءمينيسترى سەرىك جۇمانعارين مەن وزبەكستان پرەمەر-ءمينيسترىنىڭ ورىنباسارى – ينۆەستيتسيالار جانە سىرتقى ساۋدا ءمينيسترى ءجامشيد حودجاەۆتىڭ، سونداي-اق ەكى ەلدىڭ سالالىق مينيسترلىكتەرى جانە جەرگىلىكتى اتقارۋشى ورگاندارىنىڭ قاتىسۋىمەن ۇيىمداستىرىلعان پلەنارلىق وتىرىستان باستالدى.

ونىڭ بارىسىندا قر يندۋستريا جانە ينفراقۇرىلىمدىق دامۋ ۆيتسە-ءمينيسترى مارات قاراباەۆ قازاقستانداعى بيزنەستى دامىتۋدىڭ مۇمكىندىكتەرى جايلى بايانداپ بەردى.

«كەيىنگى جىلدارى مەتالداردىڭ الەمدىك نارىقتاعى باعاسى ايتارلىقتاي ءوستى. بۇل رەتتە مەتاللۋرگيا ونەركاسىبىنىڭ قازىرگى احۋالىنا تالداۋ جاساي كەلە سالانى دامىتۋدىڭ شەشىمدەرىن انىقتادىق. جۇرگىزىلگەن تالداۋدىڭ قورىتىندىسىنا سايكەس قازاقستاندىق وڭدەۋ ونەركاسىپ ورىندارىن لوندون مەتالدار بيرجاسىنداعى باعادان تومەن، بىراق باسەكەگە قابىلەتتى شاماداعى شيكىزاتپەن قامتاماسىز ەتۋ ماسەلەسىن قاراستىردىق»، دەدى م.قاراباەۆ.

سونداي-اق ۆيتسە-مينيستر قازاقستانداعى قۇرىلىس يندۋسترياسىندا، جەڭىل ونەركاسىپ پەن مۇناي-گاز ماشينا جاساۋ سالالارىندا اتقارىلىپ جاتقان جۇمىستار تۋرالى ايتا كەلە فورۋم قاتىسۋشىلارىن 2023 جىلدىڭ مامىرىندا ەلىمىزدە وتكىزىلەتىن Kazakhstan Industry Week وڭدەۋ ونەركاسىبىنىڭ حالىقارالىق كورمەسىنە شاقىردى. ءىس-شاراعا 25 ەلدىڭ وكىلدەرى قاتىسادى دەپ كوزدەلىپ وتىر.

فورۋمنان كەيىن قازاقستاندىق دەلەگاتتار توقىما كلاستەرىنە، ونەركاسىپتىك ونىمدەر مەن تۇرمىستىق تەحنيكا وندىرەتىن، سونداي-اق كوكونىستەردى وڭدەيتىن فەرمەرلىك كاسىپورىندارعا بارىپ، قىزمەتتەرىمەن تانىستى.

ۇقساس جاڭالىقتار