وندا تۇركى مەملەكەتتەرى ۇيىمىنىڭ ءبىرىنشى باس حاتشىسى حاليل اقىنجى ءسوز سويلەدى. ول ەلدەردى حالىقارالىق ىنتىماقتاستىقتى نىعايتۋعا شاقىردى.
«تۇركى كەڭەسىنىڭ مۇشەلەرى قاراما-قايشىلىقتا بولماۋى كەرەك. ولار ءبىر-بىرىمەن ىنتىماقتا بولۋى ءتيىس. تۇركى ەلدەرى ەۋروپادان ازياعا دەيىن ورنالاسقان. وندا ءبىزدىڭ كورشىلەرىمىز بار. ءبىز سونداي-اق ىشكى قاقتىعىستاردى شەشۋدە ءرول اتقارۋىمىز كەرەك. ءبىزدىڭ ەكونوميكامىز كۇردەلى. تەك ىنتىماقتاستىق ارقىلى شەشىلۋى كەرەك ماسەلەلەر بار. مىسالى, سۋ تاپشىلىعى. تاعى ءبىر ماڭىزدى ماسەلە – قاۋىپسىز ايماقتىق كورشىلىك. ءبىزدىڭ كورشىمىز اۋعانستان, ەگەر وندا بىردەڭە بولسا, بۇل بىزگە تىكەلەي اسەر ەتەدى. بىزدە ولارمەن تاريحي قاۋىمداستىق بار. ءبىز وسى وڭىردە قاۋىپسىزدىك پەن تۇراقتىلىقتى ورناتۋعا ۇلەس قوسۋىمىز كەرەك», دەدى سپيكەر.
ايتا كەتەيىك بۇگىن ەلوردادا ەكى كۇنگە سوزىلعان ءبىرىنشى ورتالىق ازيا مەديا فورۋمى ءوتىپ جاتىر. وعان شەتەلدەن كەلگەن 100-دەن اسا سپيكەر قاتىسۋدا.
