فورۋمنىڭ كەزەكتى سەسسياسىندا كرەاتيۆتى يندۋستريانىڭ ماڭىزدىلىعى, ونىڭ دامۋ جولدارى ايتىلدى. ءوز كەزەگىندە ءسوز العان التاي كولگىنوۆ كرەاتيۆتى يندۋستريانىڭ ورتا ازيا ەلدەرىندەگى جانە قازاقستانداعى دامۋ جولدارىنا توقتالىپ ءوتتى.
«قازىر ەڭ قارقىندى دامىپ جاتقان زاماناۋي سالانىڭ ءبىرى - كرەاتيۆتى يندۋستريا. ول ءوزىنىڭ جەدەل دامۋىمەن ەرەكشەلەنۋدە. ورتالىق ازيانىڭ كرەاتيۆتى يندۋستريانى دامىتۋدا مۇمكىندىگى زور دەپ ەسەپتەيمىز. ال, قازاقستاندا 2021-2025 جىلدارعا ارنالعان ەلىمىزدەگى كرەاتيۆتى يندۋستريانى دامىتۋ تۇجىرىمداماسى قابىلدانۋدا. وعان كوبىنەسە جاستار قامتىلعان, سونداي-اق دامىعان كومپانيالار دا اتسالىسۋدا», دەدى ا.كولگىنوۆ.
ونىڭ ايتۋىنشا, كرەاتيۆتى يندۋستريانى قازاقستاندا دامىتۋدىڭ شارالارى دايىندالىپ جاتىر. سونىمەن قاتار شەتەلگە ەكسپورتقا باعىتتاۋدا دا كوپتەگەن شارالار قابىلدانۋدا. بۇل سالانى دامىتۋ ءۇشىن تاياۋ شىعىستاعى قولدانىلعان تاجىريبەلەردى قولدانۋعا بولادى.
سونداي-اق ءسوز سوڭىندا ءبىرىنشى ورتا ازيا مەديا فورۋمى ەلدەر اراسىنداعى ىنتىماقتاستىقتى دامىتۋداعى ۇلكەن پلاتفورمالىق جول بولاتىنى ايتىلدى.
