جالپى كولەمى 1,6 ترلن تەڭگەنىڭ وڭدەۋ ونەركاسىبىندەگى ءوندىرىس ۇلەسى 1,5 ترلن تەڭگەگە جەتتى, بۇل سالاعا 25,1 ملرد تەڭگە ينۆەستيتسيالاندى. بۇل تۋرالى ونلاين بريفينگ بارىسىندا استانا اكىمىنىڭ ورىنباسارى ەرلان بەكمۇرزاەۆ مالىمدەدى.
«بۇعان دەيىن ءبىز ءجوو-دەگى وڭدەۋ ونەركاسىبى ۇلەسىنىڭ دەڭگەيىن 2025 جىلعا قاراي 10% - عا دەيىن جەتكىزۋ مىندەتىن قويدىق, بۇل رەتتە قازىر ءبىرىنشى جارتىجىلدىقتىڭ قورىتىندىسى بويىنشا ونىڭ ۇلەسى 9,4% قۇرايدى. ەلوردادا ءىرى جوبالاردى ىسكە اسىرۋ ءۇشىن بارلىق بازا قالىپتاستىرىلدى. مىسالى, بىزدە بارلىق ينجەنەرلىك جەلىلەرى بار دايىن الاڭدى قامتيتىن №1 يندۋستريالىق پارك جۇمىس ىستەيدى. يندۋستريالىق پاركتىڭ ونەركاسىپتىك وبەكتىلەرىنىڭ ينۆەستيتسيالىق پورتفەلى 94 جوبانى قۇرايدى, ولاردىڭ جالپى قۇنى 250 ملرد تەڭگە بولاتىن 185 ملرد تەڭگەگە جۋىق ينۆەستيتسيالانعان, ونىڭ 50 - ءى پايدالانۋعا بەرىلگەن, 44 جوبا ىسكە اسىرۋدىڭ ءارتۇرلى كەزەڭدەرىندە», دەپ حابارلادى سپيكەر.
يندۋستريالىق پارك قۇرىلعان ساتتەن باستاپ ءوندىرىس كولەمى 4,7 ترلن تەڭگەگە, ەكسپورت – 94 ملرد تەڭگەگە, سالىق اۋدارىمدارى – 154 ملرد تەڭگەگە جەتتى.
ءۇش جىل ىشىندە ساياباق اۋماعىندا جالپى ينۆەستيتسيا سوماسى 45 ملرد تەڭگەدەن اساتىن 15 جوبا ىسكە قوسىلدى. وسى جىلدىڭ باسىنان باستاپ ءۇش زاۋىت پايدالانۋعا بەرىلدى, كەلەسى اپتادا 600-دەن استام جۇمىس ورنىن قۇرۋمەن 23,7 ملرد تەڭگەدەن استام سوماعا تاعى ەكى جوبانىڭ ىسكە قوسىلۋىن كۇتەمىز.
ەلوردا اكىمىنىڭ ورىنباسارىنىڭ ايتۋىنشا, ساياباقتىڭ ارقاسىندا قۇرىلىس يندۋسترياسى سالاسىن ارتاراپتاندىرۋعا مۇمكىندىك تۋدى.
«شار قۇرىلىس ءۇي قۇرىلىسى كومبيناتىنىڭ جۇمىسىن قايتا باستادى جانە جىلدىق قۋاتى 350 مىڭ شارشى مەتر بولاتىن ءوندىرىس جەلىسىن كەڭەيتتى. BI-Group كومپانياسى بلوك-ءمودۋلدى ءۇي قۇرىلىسى كومبيناتىن ىسكە قوستى. «Sensata Group» قۋاتى جىلىنا 150 مىڭ تەكشە مەتر گاز بلوكتارىن شىعاراتىن زاۋىت سالىپ جاتىر. G-Park جانە NAK سياقتى ءىرى كومپانيالار قۇرىلىس ماتەريالدارىن ءوندىرۋ بويىنشا جوبالاردى جۇزەگە اسىرۋ بويىنشا جۇمىستار جۇرگىزۋدە. بۇل جوبالار الەۋمەتتىك تۇرعىن ءۇيدى ىسكە قوسۋ كورسەتكىشتەرى مەن ينۆەستيتسيا كولەمىنىڭ ءوسۋىن قامتاماسىز ەتەدى», دەپ ءتۇسىندىردى بەكمۇرزاەۆ.
بۇگىنگى تاڭدا №1 يندۋستريالدى پارك قازىر تولىپ تۇر. بولىنگەن بيۋدجەت قاراجاتى سالىنعان ينۆەستيتسيالار ەسەبىنەن 6,6 ەسە سالىق تۇرىندە وتەلدى.
قازىر وسىنداي ەكىنشى ساياباقتى قۇرۋ جۇمىستارى جۇرگىزىلۋدە. ونىڭ اۋماعى 433 گەكتاردى قۇرايدى.
