ءىس-شاراعا مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى توراعاسىنىڭ ورىنباسارى بەكبولات بايجانوۆ, استانا قالاسىنىڭ دەنە شىنىقتىرۋ جانە سپورت باسقارماسىنىڭ باسشىسى سامات جىلقىباەۆ جانە پارلامەنت ءماجىلىسىنىڭ الەۋمەتتىك-مادەني دامۋ كوميتەتىنىڭ مۇشەسى ءاليا ابسەمەتوۆا قاتىستى.
«تارتىستى باسەكەدە بەلارۋس, قىرعىزستان, رەسەي, وزبەكستان, ازەربايجان, رۋمىنيا, ەكۆادور جانە قازاقستان ەلدەرىنىڭ پالۋاندارى مەن الەم چەمپيوندارى باق سىنادى. اتاپ ايتقاندا, 2016 جىلعى الەم چەمپيوناتىنىڭ كۇمىس جۇلدەگەرى نۇرلان بەكجانوۆ, وليمپادا جانە الەم بىرىنشىلىگىنىڭ جۇلدەگەرى نۇريسلام ساناەۆ, مما شەبەرى ۆاسيلي تاحتاي, Tartyl Fest جوباسىنىڭ امباسسادورى ايتىم جاقىپوۆ, اكتەر اسىلحان تولەپوۆ جانە ت.ب. ەڭ مىقتى سپورتشىلار قاتىسىپ جاتىر. پالۋاندارعا بيىك مانساپ پەن ساتتىلىك تىلەيمىن!», دەدى قالالىق سپورت باسقارماسىنىڭ باسشىسى سامات جىلقىباەۆ.
جارىسقا 7 مەملەكەتتىڭ سپورتشىلارى مەن تانىمال بلوگەرلەرى جانە ونەر جۇلدىزدارى قاتىستى. ولاردىڭ قاتارىندا رەسەي, ۇلىبريتانيا, وزبەكستان, قىرعىزستان, رۋمىنيا, ەكۆادور, تاجىكستان جانە ت.ب. بار.
«ەلوردادا العاش رەت ەركىن كۇرەستەن حالىقارالىق Wrestling stars ءتۋرنيرى ويداعىداي ءوتتى. كوڭىل-كۇيىمىز كەرەمەت! وسى ءساتتى پايدالانا وتىرىپ, مادەنيەت جانە سپورت مينيسترلىگىنە, استانا قالاسىنىڭ اكىمدىگىنە العىسىمدى بىلدىرەمىن», دەدى جوبا جەتەكشىسى داۋرەن جاباسوۆ.
