«پرەزيدەنت قاسىم-جومارت توقاەۆتىڭ اتىنا جۋرناليست ميحايل كوزاچكوۆقا قاتىستى جۇرگىزىلىپ جاتقان تەرگەۋ جۇمىستارىنا وراي بىرقاتار مەديا قوعامداستىق وكىلى ۇندەۋ جولدادى. وسىعان بايلانىستى بۇل ءىس قازاقستان رەسپۋبليكاسىنىڭ زاڭناماسىنا سايكەس تەك قۇقىق شەڭبەرىندە قارالۋعا ءتيىس ەكەنىن اتاپ ءوتۋ قاجەت. باس پروكۋراتۋرا تەرگەۋدىڭ زاڭدىلىعىن قاداعالاۋدى قامتاماسىز ەتۋگە جانە زاڭنامادا بەلگىلەنگەن تارتىپپەن قاجەتتى تۇسىنىكتەمەلەر بەرۋگە مىندەتتى. قازاقستان ازاماتى رەتىندە ءجۋرناليستىڭ بارلىق زاڭدى قۇقىعى تولىق ساقتالۋعا ءتيىس», دەپ جازدى ر. جەلدىباي.
بۇعان دەيىن جۋرناليست ميحايل كوزاچكوۆتىڭ ۇيىمداسقان قىلمىستىق توپتارعا قاتىسى بار دەگەن كۇدىكپەن ۇستالعانى حابارلانعان بولاتىن. قارجى مونيتورينگى اگەنتتىگىنىڭ مالىمەتىنشە, ول قوسپاەۆتىڭ ۇيىمداسقان قىلمىستىق توبىنا رەيدەرلىك شابۋىلدار جاساۋعا كومەكتەسكەن. ۇيىمداسقان قىلمىستىق توپ 11 قاتىسۋشىدان تۇردى, ولاردىڭ بەسەۋى قاماۋعا الىندى, التاۋى, ونىڭ ىشىندە ۇيىمداستىرۋشى قوسپاەۆ ەلدوسقا ىزدەۋ جاريالاندى.
