فيلادەلفيادا قازاقستان تۋى جەلبىرەدى

تۋ كوتەرۋ ءراسىمى مۋنيتسي­پالدىق قىزمەت عيماراتىندا ۇيىمداستىرىلدى. مەرە­كەلىك ءىس-شاراعا فيلادەلفيا قالا­سىنىڭ اكىم­شىلىگى جانە قا­زاق­ستاننىڭ اقش-تاعى ەل­شىلىگى مەن نيۋ-يوركتەگى كون­­سۋلدى­عىنىڭ وكىلدەرى قا­تىستى. تانىمال كومپوزيتور, ءانشى مارات وماروۆ, مي­راس جۇگىنىسوۆ, تۇرار جانە اقش-تاعى قازاق جاستارى ءان­ۇرانىمىزدى شىرقاپ, كۇي تارتىپ, جەتىگەن, قوبىز, سىبىزعى سىندى ۇلتتىق اسپاپتارمەن ونەر كورسەتتى. وسى ءىس-شارانى ۇيىمداستىرۋشىلاردىڭ ءبىرى, پەن­سيلۆانياداعى قازاق اسسوتسياتسياسىنىڭ پرەزيدەنتى جۇلدىز يسمايلوۆا: ء«بىز وتكەن 2021 جىلى فيلادەلفيادا تاۋەلسىزدىك كۇنىن جوعارى دەڭگەيدە اتاپ وتتىك. اقش-تىڭ تاۋەلسىزدىگى جاريالانعان قالا ءدال وسى فيلا­دەلفيادا العاش رەت بىلتىر تاۋەل­سىزدىك مەرە­كەمىزدىڭ قۇرمەتىنە قازاق­ستان تۋى كوتە­رىلگەن ەدى», دەدى.

ءىس-شارا اياسىندا قازاق­ستاننىڭ بەلگىلى ديزاينەرى ايدانا وماروۆانىڭ جەتەك­شى­لىگىمەن سانگەر قىز-جى­گىت­تەر ۇلتتىق نا­قىش­­تاعى كيىم ۇل­گىلەرىن جۇرتشىلىققا كور­­سەتتى.