«ەكى قولعا – ءبىر كۇرەك»

كەلەسى جىلدان باستاپ جاستار 2,5 پا­يىزدىق مولشەرلەمەمەن نەسيە الا الادى. مەملەكەت باسشىسىنىڭ تاپسىرماسىنا سايكەس ۇكىمەت جاستاردىڭ كاسىپكەرلىك ىنتاسىن كوتەرۋ جانە قولداۋ ماقساتىندا شاعىن نەسيە بەرۋ ادىستەرىن قاراستىرىپ جاتىر.

– 2023 جىلدىڭ 1 قاڭتارىنان باستاپ جاستارعا شاعىن نەسيە بەرىلەدى. ونىڭ پايىزدىق مولشەرى 2,5%-دى قۇرايدى. قازىرگى كەزدە ەرەجەلەر جوباسى جاسالىپ, «اشىق نقا» پورتالىندا جاريالاندى. باستى شارتى – كەپىلدىك م ۇلىك بولۋعا ءتيىس. ونىڭ ءۇي بولۋى مىندەتتى ەمەس, باعالانۋى تەڭ باسقا دا م ۇلىك بولۋى مۇمكىن. نەسيە مولشەرى – 5 ملن تەڭگەگە دەيىن. بەرىلۋ مەرزىمى – 5 جىلعا دەيىن. ەگەر نەسيە اۋىل شارۋاشىلىعىنا نەمەسە ءىرى قارا مال, جىلقى اسىراۋعا الىنسا, وندا 7 جىلعا دەيىن بەرىلەدى. نەسيە العان جاستار­عا 1,5 جىلعا «كانيكۋل كەزەڭى» ۇسىنىلادى, ياعني اتالعان ۋاقىتتا ولار اي سايىنعى جارنا تولەۋدەن بوساتىلادى, – دەدى ەڭبەك جانە حالىقتى الەۋمەتتىك قورعاۋ مينيسترلىگى حالىقتى جۇمىسپەن قامتۋ دەپارتامەنتىنىڭ ديرەكتورى اسقار نيازوۆ.

شاعىن نەسيە جاستاردىڭ كاسىپكەرلىك باستامالارىن دامىتۋعا ارنالعان. ۇكىمەت كەلەسى جىلى وعان 5,8 مىڭ جاس قول جەتكىزەدى دەپ جوسپارلاپ وتىر.

– مەملەكەت جاستاردى جۇمىسپەن قامتۋ ماسەلەسىنە ەرەكشە نازار اۋدارا باستادى. اتاپ ايتساق, جىل سايىن «جاستار پراكتي­كاسى», «العاشقى جۇمىس ورنى», «جەڭىلدىك­پەن نەسيەلەۋ» جانە «ديپلوممەن – اۋىلعا!» باعدارلامالارى سياقتى جوبالاردى ىسكە اسىرۋ شەڭبەرىندە رەسپۋبليكا بويىنشا 100 مىڭعا جۋىق جاس جۇمىسپەن قامتىلا­دى. حالىقتى ەڭبەكپەن قامتۋدىڭ تاعى ءبىر قۇرالى – نارىق سۇرانىسىنا قاراي جاستاردى قىسقا مەرزىمدە وقىتۋ. اتالعان جوبانىڭ اياسىندا ولار جاڭا ماماندىق مەڭگەرىپ, وقۋ اياقتالعاننان كەيىن جۇمىسقا ورنالاسا الا­دى. جىل باسىنان بەرى 35,2 مىڭ ادام وقىتىل­دى, – دەدى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ولجاس ورداباەۆ.

جالپى, ەلدە سۋبسيديالاناتىن جۇمىس ورىندارىمەن قامتىلعان 161 مىڭعا جۋىق ازاماتتىڭ 36 پايىزىن جاستار قۇرايدى. ولارعا جالاقى مەملەكەت تاراپىنان ءىشىنارا نەمەسە تولىقتاي تولەنەدى. ەگەر جۇمىس بەرۋشىنىڭ بەلگىلەنگەن تالاپتارىنا ساي كەلەتىن بولسا, جاستار كاسىپورىنداردا جۇمىسقا ورنالاسا الادى. ول ءۇشىن ەڭبەك بيرجاسى ارقىلى قاجەتتى ورىندارعا ءوتىنىش بەرۋ كەرەك.

– قازىر سۋبسيديالاناتىن جۇمىس ورىندارىمەن قامتىلعان 161 مىڭعا جۋىق ازاماتتىڭ 36%-ىن جاستار قۇرايدى. مۇنداي جۇمىس ورىندارىنىڭ نەگىزگى ماقساتى – جاستاردىڭ ناقتى ماشىقتارى مەن داعدىلارىن يگەرىپ, ودان ءارى تۇراقتى جۇمىسقا ورنالاستىرۋ. بۇگىندە جاستاردى جۇمىسپەن قامتۋ بىر­نەشە باعىت بويىنشا جۇزەگە اسىرىلىپ كەلەدى. ولاردىڭ ىشىندە «جاستار پراكتي­كاسى», «العاشقى جۇمىس ورنى», «ۇرپاق­تار كەلىسىمشارتى», «قوعامدىق جۇمىس» سياقتى جوبالار كوزدەلگەن. بۇل جوبالار جاسى 29-دان اسپاعان جوعارى وقۋ ورنى­نىڭ تۇلەكتەرى نەمەسە جۇمىس تاجىريبەسى جوق NEET ساناتىن­داعى جاستاردى جۇمىسقا ورنالاستىرۋعا باعىتتالعان, – دەدى ۆيتسە-مينيستر.