«بيىل 29 قاراشا مەن 14 جەلتوقسان ارالىعىندا رەسپۋبليكا بويىنشا پارلامەنت سەناتىنىڭ دەپۋتاتتىعىنا 130 كانديدات ۇسىنىلدى. سەنات دەپۋتاتىنىڭ ءبىر ورنىنا 6 ادامنان ۇمىتكەر», دەدى جيىن بارىسىندا ورتالىق سايلاۋ كوميسسياسى توراعاسىنىڭ ورىنباسارى كونستانتين پەتروۆ.
ونىڭ ايتۋىنشا, وڭىرلەر بويىنشا ەڭ كوپ ۇمىتكەرلەر اباي, باتىس قازاقستان جانە قىزىلوردا وبلىستارىندا – ارقايسىسى 8 كانديداتتان, استانا مەن الماتىدا 10 كانديداتتان ۇسىنىلدى. ەڭ از ۇمىتكەر اقمولا, اقتوبە, شىعىس قازاقستان, الماتى, جامبىل, قوستاناي, پاۆلودار, سولتۇستىك قازاقستان وبلىستارىندا ۇسىنىلدى – 5 ادامنان. شىمكەنت قالاسىندا ءبىر ورىنعا 6 كانديدات ۇمىتكەر.
«ۇمىتكەرلەردىڭ باسىم كوپشىلىگى ءوزىن-ءوزى ۇسىنعاندار. دالىرەك ايتساق, بارلىعى 130 دەپۋتات ءوتىنىش بەرسە, ءۇش كانديداتتى كەيىن ءماسليحات ءوزى ۇسىندى. ۇمىتكەرلەردىڭ ورتاشا جاسى – 50,5 جاس. ەڭ كىشىسى اقتوبە وبلىسىندا 30 جاستا, ەڭ ۇلكەنى باتىس قازاقستان وبلىسىندا 74 جاستا. ۇسىنىلعان كانديداتتاردىڭ تورتتەن ءبىرى ايەلدەر, ياعني 130-دىڭ 33-ءى», دەدى سپيكەر.
ول قۇجاتتارمەن جۇمىس 24 جەلتوقسانعا دەيىن جالعاساتىنىن اتاپ ءوتتى. «قازاقستان رەسپۋبليكاسىنداعى سايلاۋ تۋرالى» زاڭعا سايكەس كانديداتتاردان قۇجاتتاردى قابىلداۋ, سايكەستىكتى انىقتاۋ جانە كانديداتتاردى تىركەۋ ءتارتىبىن اۋماقتىق سايلاۋ كوميسسيالارى قامتاماسىز ەتەدى. سايلاۋ كوميسسيالارى 49 كانديداتتى تىركەدى.
