وسىعان دەيىن مادەنيەت جانە سپورت ءمينيسترى داۋرەن اباەۆ «اۆاتار. سۋ جولى» ءفيلمى قازاق تىلىندە ۇلكەن ەكراننان كورسەتىلەتىنىن, جىل سوڭىندا قالىڭ كورەرمەنگە جول تارتاتىنىن ايتقان.
ء«بىز فيلمدەردى دۋبلياجداۋ باعىتىندا اۋقىمدى جۇمىستار جۇرگىزىپ جاتىرمىز. سىزدەر بىلەسىزدەر, «اۆاتار» جانە «قارا پانتەرا: ۆاكاندا جاساسىن!» فيلمدەرى قازاق تىلىنە دۋبلياجدالدى. ال جىل سوڭىنا دەيىن «اۆاتار. سۋ جولى» ءفيلمى اۋدارىلىپ قازاق تىلىنە دىبىستالاتىن بولادى. بۇل جۇمىستى جۇزەگە اسىرۋ ءۇشىن جىل سايىن 300 دۋبلياج اكتەرى ەڭبەك ەتۋدە. بۇگىندە قازاق ءتىلى دۋبلياجداعى ەكىنشى تۇركى ءتىلى رەتىندە دارالانىپ, Blu-Ray-دا كورۋگە بولاتىن گولليۆۋد فيلمدەرىنىڭ نەگىزگى جەتى تىلىنە ەندى», دەپ اتاپ وتكەن بولاتىن.
ايتا كەتەيىك, ارادان كوپ ۋاقىت وتپەي اتالعان فيلم ۇلكەن ەكرانداردا قازاقشا سويلەي باستادى. كينوسۇيەر قاۋىم 15 جەلتوقساننان باستاپ «اۆاتار. سۋ جولى» ءفيلمىن ەلىمىزدىڭ بارلىق كينوتەارلارىنان تاماشالاي الادى.
