دانا بەكەنقىزى اۋەلى اكروباتيكامەن اينالىستى. ودان كەيىن جۋزۋگە دەن قويىپ, سپورت شەبەرى ءنورماتيۆىن ورىندادى. كەيىننەن دجيۋ-دجيتسۋعا اڭسارى اۋدى. وسى سپورت تۇرىنەن ول بىرقاتار حالىقارالىق جارىستا ولجاعا كەنەلدى. اتاپ ايتساق, بيىلعى جىلدىڭ وزىندە دانا تولەۋجان مادريدتە وتكەن ءدۇبىرلى دودادا التىننان القا تاقسا, بەرليندەگى بايراقتى باسەكەدە قولا مەدالدى موينىنا ءىلدى. ال ونىڭ الدىندا ول دۋبايدا ۇيىمداستىرىلعان الەم چەمپيوناتىندا قولا جۇلدەگەر اتانعان ەدى. مىنە, ەندى اپەنين تۇبەگىندە جالاۋى جەلبىرەگەن جارىستا بارلىق قارسىلاسىن قاپى قالدىرىپ, جەڭىس تۇعىرىنىڭ ەڭ بيىك ساتىسىنا كوتەرىلدى.
دانا الماتى قالاسىنىڭ تۋماسى. الماتىداعى كيمەپ-ءتى ويداعىداي تامامداعان ول قازىرگى كەزدە ىرگەتاسى سوناۋ XIV عاسىردا قالانعان الەمدەگى ەڭ كونە ۋنيۆەرسيتەتتىڭ ءبىرى – ريمدەگى لا ساپيەنتسانىڭ ماگيستراتۋراسىندا كارجىگەر ماماندىعى بويىنشا ءبىلىم الىپ ءجۇر.
