قازاقستان رەسپۋبليكاسىنىڭ تۇڭعىش پرەزيدەنتى ن.ءا.نازارباەۆ اتىنداعى مادەنيەت جانە دەمالىس ساياباعىندا «جاسىل ەل» كوگالداندىرۋ جاساقتارىنىڭ X ەڭبەك ماۋسىمىنىڭ اشىلۋى مەن جوعارى وقۋ ورىندارى مەن تەحنيكالىق جانە كاسىپتىك ءبىلىم بەرەتىن كوللەدجدەر مەن ليتسەيلەردىڭ ستۋدەنتتەرىنە وبلىس اكىمىنىڭ ءبىر جولعى ستيپەندياسىن تاپسىرۋعا ارنالعان «جاستار – بولاشاق نەگىزى» اتتى وبلىستىق جاستار فورۋمى بولىپ ءوتتى. فورۋمدى وبلىس اكىمى ارحيمەد مۇحامبەتوۆ ءسوز سويلەپ اشىپ, جاستاردى جاڭا ەڭبەك ماۋسىمىنىڭ باستالۋىمەن قۇتتىقتادى.
ول ەلباسى نۇرسۇلتان نازارباەۆتىڭ جىل سايىنعى قازاقستان حالقىنا جولداۋلارىندا جاستاردىڭ جاقسى مامان, ەلىنىڭ ەرتەڭىنە جاۋاپتى ازامات بولىپ شىعۋلارىنا ۇلكەن ءۇمىت ارتىپ, ولارعا بارلىق جاعداي تۋعىزىپ وتىرعانىن اتاپ ءوتتى. بۇل فورۋم ەلباسىنىڭ سارابدال ساياساتىنىڭ ايقىن كورىنىسى ەكەنىن جەتكىزدى.
– وبلىستا دا بۇل باعىتتا ۇلگىلى ۇردىستەر بارشىلىق. «جاسىل ەل» كوگالداندىرۋ جاساقتارىنىڭ العاشقى لەگىندە 300 جاس ەڭبەك ەتىپ جاتىر. ەكىنشى لەكتە تاعى 250 ستۋدەنت جازعى ەڭبەك سەمەسترىنە قاتىسادى. كەيىن بۇلاردىڭ قاتارىن ستۋدەنتتىك قۇرىلىس جاساقتارىنىڭ مۇشەلەرى تولىقتىرادى. ولار ءۇشىن جۇمىس ورىندارى دايىنداپ قويىلدى. جاستاردىڭ جازعى ەڭبەك سەمەسترى قولعا الىنعان ون جىلدا 50 مىڭ جاس ءوزىنىڭ ماڭداي تەر, اق ادال ەڭبەگىنىڭ ءدامىن تاتتى دەۋگە بولادى. بۇل جاستاردى ەڭبەكسۇيگىشتىككە تاربيەلەيتىن ادەمى ءۇردىس, – دەپ تۇيىندەدى ءسوزىن ءوڭىر باسشىسى. سودان كەيىن ستۋدەنتتەرگە ستيپەنديالاردى سالتاناتتى جاعدايدا تاپسىردى.
بيىلعى جىلى وبلىس اكىمىنىڭ ستيپەندياسىنا وبلىستىڭ جانە وقۋ ورنىنىڭ قوعامدىق ومىرىنە بەلسەنە ارالاسىپ, وقۋدا ۇزدىك كورسەتكىشتەرىمەن ەرەكشەلەنگەن تالانتتى دا دارىندى جوعارى وقۋ ورىندارىنىڭ 183 ستۋدەنتى جانە تەحنيكالىق جانە كاسىپتىك ءبىلىم بەرۋ وقۋ ورىندارىنىڭ 114 ستۋدەنتى يە بولدى. ولاردىڭ ارقايسىسىنا تيىسىنشە 120 مىڭ جانە 60 مىڭ تەڭگە بەرىلدى.
فورۋمعا قاتىسۋشىلار وبلىس اكىمىمەن ەسكەرتكىش سۋرەتكە ءتۇستى. فورۋمدى ۇيىمداستىرۋعا «اقتوبە وبلىسىنىڭ جاستار ساياساتى ماسەلەلەرى باسقارماسى» مم جانە «جاستارمەن جۇمىس جونىندەگى رەسۋرستىق ورتالىعى» كمم ۇيىتقى بولدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
ول ەلباسى نۇرسۇلتان نازارباەۆتىڭ جىل سايىنعى قازاقستان حالقىنا جولداۋلارىندا جاستاردىڭ جاقسى مامان, ەلىنىڭ ەرتەڭىنە جاۋاپتى ازامات بولىپ شىعۋلارىنا ۇلكەن ءۇمىت ارتىپ, ولارعا بارلىق جاعداي تۋعىزىپ وتىرعانىن اتاپ ءوتتى. بۇل فورۋم ەلباسىنىڭ سارابدال ساياساتىنىڭ ايقىن كورىنىسى ەكەنىن جەتكىزدى.
– وبلىستا دا بۇل باعىتتا ۇلگىلى ۇردىستەر بارشىلىق. «جاسىل ەل» كوگالداندىرۋ جاساقتارىنىڭ العاشقى لەگىندە 300 جاس ەڭبەك ەتىپ جاتىر. ەكىنشى لەكتە تاعى 250 ستۋدەنت جازعى ەڭبەك سەمەسترىنە قاتىسادى. كەيىن بۇلاردىڭ قاتارىن ستۋدەنتتىك قۇرىلىس جاساقتارىنىڭ مۇشەلەرى تولىقتىرادى. ولار ءۇشىن جۇمىس ورىندارى دايىنداپ قويىلدى. جاستاردىڭ جازعى ەڭبەك سەمەسترى قولعا الىنعان ون جىلدا 50 مىڭ جاس ءوزىنىڭ ماڭداي تەر, اق ادال ەڭبەگىنىڭ ءدامىن تاتتى دەۋگە بولادى. بۇل جاستاردى ەڭبەكسۇيگىشتىككە تاربيەلەيتىن ادەمى ءۇردىس, – دەپ تۇيىندەدى ءسوزىن ءوڭىر باسشىسى. سودان كەيىن ستۋدەنتتەرگە ستيپەنديالاردى سالتاناتتى جاعدايدا تاپسىردى.
بيىلعى جىلى وبلىس اكىمىنىڭ ستيپەندياسىنا وبلىستىڭ جانە وقۋ ورنىنىڭ قوعامدىق ومىرىنە بەلسەنە ارالاسىپ, وقۋدا ۇزدىك كورسەتكىشتەرىمەن ەرەكشەلەنگەن تالانتتى دا دارىندى جوعارى وقۋ ورىندارىنىڭ 183 ستۋدەنتى جانە تەحنيكالىق جانە كاسىپتىك ءبىلىم بەرۋ وقۋ ورىندارىنىڭ 114 ستۋدەنتى يە بولدى. ولاردىڭ ارقايسىسىنا تيىسىنشە 120 مىڭ جانە 60 مىڭ تەڭگە بەرىلدى.
فورۋمعا قاتىسۋشىلار وبلىس اكىمىمەن ەسكەرتكىش سۋرەتكە ءتۇستى. فورۋمدى ۇيىمداستىرۋعا «اقتوبە وبلىسىنىڭ جاستار ساياساتى ماسەلەلەرى باسقارماسى» مم جانە «جاستارمەن جۇمىس جونىندەگى رەسۋرستىق ورتالىعى» كمم ۇيىتقى بولدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
