ۇزدىكتەر تىزىمىنە جەڭىل سالماقتاعى قايسار ماقسات تا ەندى. مىقتىلار ساناتىندا ول 11-ورىندا تۇر. قىتايدا تۋىپ-وسكەن قانداسىمىز ءوزىنىڭ تۇساۋكەسەر كەزدەسۋىن 2019 جىلدىڭ تامىز ايىندا م-1 Global پروموۋشەنىندە وتكىزدى. وكىنىشكە قاراي, سول جارىستا قايسار رەسەيلىك نيكولاي گونچاروۆقا ۇپاي سانىمەن ۇتىلدى. ەسەسىنە ودان كەيىنگى ۋاقىتتا WLF-W.A.R. ۇيىمىنىڭ مۇرىندىق بولۋىمەن وتكەن بىرقاتار تۋرنيردە قاتارىنان بەس رەت جەڭىسكە جەتىپ, دانا ۋايتتىڭ پرەزيدەنتتىك سەرياسى دوداسىندا كۇش سىناسۋ قۇرمەتىنە يە بولدى. سول جەكپە-جەكتە كانادالىق احيللەس ەسترەمادۋرانى قاپى قالدىردى. وسى جەڭىسىنىڭ ارقاسىندا قازاق سپورتشىسى UFC-مەن كەلىسىمشارتقا وتىردى. الەمنىڭ ەڭ بەلدى پروموۋشەنىندەگى العاشقى كەزدەسۋىن قايسار ماقسات بيىل جازدا امەريكالىق ستيۆ گارسياعا قارسى وتكىزىپ, ونى ءبىرىنشى راۋندا ەسىنەن تاندىردى.
ESPN-ءنىڭ رەيتينگىندە داعىستاندىق ۋسمان نۇرماگومەدوۆ كوش باستاپ تۇر. امەريكالىق ەرين بلانچفيلد پەن مۇحامماد موكاەۆ ەكىنشى جانە ءۇشىنشى ورىنداردى ءوزارا بولىسكەن. سونداي-اق ۇزدىك بەستىكتىڭ قاتارىندا ەكۆادورلىق مايكل مورالەس پەن مەيسي باربەر سىندى سپورتشىلار بار.
