8 جەلتوقساندا ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ بارىسىندا تۇرار رىسقۇلوۆ اۋدانىنىڭ قىزىلشارۋا اۋىلىنان 60 شاقىرىم قاشىقتىقتاعى قۇمدى اۋماقتا 47 جاستاعى جۇرگىزۋشىنىڭ باسقارۋىنداعى ۆاز-2121 اۆتوكولىگىن توقتاتقان. اۆتوكولىكتى تەكسەرۋ كەزىندە جۇك سالعىشتان ەكى قاپشىق گاشيش ەسىرتكى زاتى تابىلعان. ودان بولەك, سول ورىننان 2 شاقىرىم قاشىقتىقتا تسەللوفاننان ەكى كۇركەشە جاساپ, 36 قاپ ماريحۋانا مەن 1 قاپ گاشيش ەسىرتكى زاتتارىن جيناپ قويعانى انىقتالدى.
– قازىرگى ۋاقىتتا اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 296-بابى 4-بولىگىمەن (ەسىرتكى, پسيحوتروپتىق زاتتارمەن, سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ) بويىنشا سوتقا دەيىنگى تەرگەپ-تەكسەرۋ امالدارى باستالدى. ۇستالعان 47 جانە 30 جاستاعى كۇدىكتىلەر ءوز كىنالەرىن تولىق مويىنداپ, ۋاقىتشا ۇستاۋ يزولياتورىنا قاماۋعا الىندى, – دەدى جامبىل وبلىسىنىڭ پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ باستىعى ءالىم باجىقباەۆ
