مامانداردىڭ ايتۋىنشا, وقۋشى سومكەسىنىڭ شامادان تىس اۋىرلىعىنا بايلانىستى بۇل باستاما ۇكىمەتتە كوپتەن بەرى تالقىلانىپ كەلەدى. دارىگەرلەردىڭ قورىتىندىسىنا سايكەس, قازىرگى كەزدە قازاقستانداعى ءاربىر ءۇشىنشى بالادا سكوليوز نەمەسە ومىرتقانىڭ باسقا دا اقاۋى بار. سەبەبى, بۇگىندە باستاۋىش سىنىپ وقۋشىسى سومكەسىنىڭ سالماعى نورماداعى 3,5 كيلونىڭ ورنىنا ورتا ەسەپپەن 5-7 كيلودان كەلەدى.
وقۋ-اعارتۋ مينيسترلىگى بۇل شەشىم تىم اۋىر پورتفەل ماسەلەسىن شەشۋمەن قاتار, وقۋ پروتسەسىن جاقسارتۋعا, بالالاردىڭ ەرتە جاستان كومپيۋتەرلىك ساۋاتتىلىعىن دامىتۋعا, ولاردىڭ ازيا مەن ەۋروپانىڭ دامىعان ەلدەرىنىڭ ۇلگىسىمەن تسيفرلىق گادجەتتەرمەن جۇمىس ىستەۋگە بەيىمدەلۋىنە ىقپال ەتەتىنىن مالىمدەيدى.
ءبىز ءوز تاراپىمىزدان تاعى ءبىر قىزىقتى نارسەنى بىلدىك. قازاقستاندا ەۋروپالىق مامانداردىڭ كومەگىمەن جاسالعان «TopIQ.KZ» ساپالى ءبىلىم بەرۋ پلاتفورماسى قازىردىڭ وزىندە بار ەكەن. بۇل جوباعا 23 جىلدان بەرى مەكتەپ وقۋلىقتارىن شىعارىپ كەلە جاتقان «الماتى كىتاپ باسپاسى» باسپا كومپانياسى باستاماشى بولعان ەكەن.
«الماتى كىتاپ باسپاسىنىڭ» باس ديرەكتورى گاۋھار سايماساەۆا: ء«بىز زامان اعىمىنا ىلەسىپ, تسيفرلاندىرۋدىڭ ءبىلىم سالاسىنا دا ەنىپ كەلە جاتقانىن انىق تۇسىنەمىز. بۇكىل وركەنيەتتى الەمدە ءبىلىم بەرۋ مودۋلدەرى قازىردىڭ وزىندە 100 پايىز تسيفرلاندىرىلعان جانە بۇل بىرقاتار ارتىقشىلىققا يە. «TopIQ.kz» پلاتفورماسى – ءبىلىم بەرۋ جۇيەسىندەگى جاڭا ستاندارت. بالالاردىڭ اۋديو جانە ۆيدەو فايلداردى پايدالانا وتىرىپ وقۋلارىنا مۇمكىندىك تۋادى, ويىن, ينتەراكتيۆتى نىسان جانە ت.ب. ءجيى قولدانىلادى», دەيدى.
بىراق تۇتاستاي العاندا, «TopIQ.KZ» بارشاعا ۇيرەنشىكتى, تەك ەلەكتروندى نۇسقاداعى مەكتەپ وقۋلىعى ەكەنىن اتاپ وتكەن ءجون. بۇل پلاتفورما قازىردىڭ وزىندە ەلىمىزدىڭ كەيبىر وڭىرلەرىندە قولدانىلىپ وتىر جانە مەكتەپتەر مەن مۇعالىمدەر اراسىندا كۇننەن-كۇنگە تانىمال بولا تۇسۋدە. مامانداردىڭ ايتۋىنشا, ەلەكتروندى وقۋلىقتىڭ تاعى ءبىر ارتىقشىلىعى – ءبىلىم بەرۋ مازمۇنىن تەز جاڭارتىپ, تۇزەتە الاتىندىعى.
قازاقستان تسيفرلاندىرۋ جولىمەن قارىشتاپ العا باسۋىن جالعاستىرىپ كەلەدى. ال ءبىزدىڭ وسى سالاداعى ەرتەڭگى جەتىستىكتەرىمىز بالالارىمىزدىڭ بۇگىنگى ءبىلىم الۋىنان باستالاتىنىن ءتۇسىنۋ ماڭىزدى. ءبىز وسى مەملەكەتتىك باعدارلامانىڭ ىسكە اسىرىلۋىن مۇقيات قاداعالايتىن بولامىز.
