73 كيلو سالماق دارەجەسىندە سىنعا تۇسكەن 18 جاستاعى الەكسەي چۋركين قوسسايىستىڭ قورىتىندىسى بويىنشا 343 (153+190) كيلولىق زىلتەمىردى ەڭسەرىپ, قولا مەدالدى موينىنا ءىلدى. ءبىر ايتا كەتەرلىگى, جەرلەسىمىز ۆ توبىندا ونەر كورسەتتى. ەگەر ستاتيستيكالىق مالىمەتتەرگە جۇگىنسەك, ءدال وسى توپتاعى زىلتەمىرشىلەردىڭ ۇزدىكتەر قاتارىنا قوسىلۋى وتە سيرەك كەزدەسەتىن جاعداي. ال العاشقى ەكى ورىندى يندونەزيانىڭ سپورتشىلارى يەلەندى. وتانداسىمىزدان توعىز كيلو ارتىق سالماق كوتەرگەن وليمپيا ويىندارىنىڭ قولا جۇلدەگەرى, الەم چەمپيونى راحمات ابدۋللا باس جۇلدەنى ولجالاسا, ريزكي دجۋنيانسياحۋ كۇمىس مەدالدى يەلەندى. ونىڭ كورسەتكىشى – 347 (155+192) كيلو.
الەكسەي ءۇشىن بۇل – ەرلەر اراسىنداعى العاشقى ءىرى سىناق. بيىلعى مامىر ايىندا ول گرەكيانىڭ يراكليون قالاسىندا وتكەن جاستاردىڭ الەم بىرىنشىلىگىندە كۇمىس مەدال ەنشىلەگەن ەدى.
