سپورت • 09 جەلتوقسان، 2022

جەڭىل اتلەتيكادان اشىق بىرىنشىلىكتىڭ العاشقى قالاي ءوتتى

بۇگىن استانا قالاسىنداعى «Qazaqstan» جەڭىل اتلەتيكا سپورت كەشەنىندە ەل تاۋەلسىزدىگىنىڭ 31 جىلدىعىنا وراي 2006-2007 جىلى تۋعان جانە ودان كىشى 2008-2009 جىلى تۋعان جاسوسپىرىمدەر اراسىندا جەڭىل اتلەتيكادان استانا قالاسىنىڭ اشىق چەمپيوناتى باستالدى. العاشقى كۇنى جارىس جولىنا شىققان جاسوسپىرىمدەر اراسىندا ۇزدىكتەر انىقتالدى، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

دينار كەرىم

مەرەكەلىك شارانىڭ اشىلۋ سالتاناتىنا استانا قالاسى دەنە شىنىقتىرۋ جانە سپورت باسقارماسى باسشىسىنىڭ ورىنباسارى ەركەعالي كوربوزوۆ، جەڭىل اتلەتيكا سپورت تۇرىنەن مەملەكەتتىك جاتتىقتىرۋشى قۋاندىق ەلجانوۆ جانە №9 بجسم باسشىسى ايدىن توقباەۆ قاتىسىپ، سپورتشىلارعا ساتتىلىك تىلەدى.

«بۇل شارا مەملەكەتىمىزدىڭ باستى مەرەكەسى – تاۋەلسىزدىك كۇنىنە وراي وتكىزىلىپ وتىر. باستى ماقساتىمىز – تاۋەلسىزدىك – ەڭ باستى قۇندىلىعىمىز ەكەنىن بولاشاق ۇرپاققا جەتكىزۋ. سونىمەن قاتار، جالىنداپ تۇرعان جاستاردىڭ ۇلكەن ارەنالارعا شىعۋىنا داڭعىل جول اشۋ، قالامىزدا جەڭىل اتلەتيكانى وركەندەتۋگە بارىنشا كۇش سالۋ. دارىندى جانە قارىمدى قىز جىگىتتەرىمىز ەلىمىزدە وتە كوپ. وعان ەشكىمنىڭ كۇمانى بولماۋعا ءتيىس. ءدال قازىر ءبىزدىڭ الدىمىزدا سول جاستاردى شوقتىعى بيىك جۇلدىزدارعا اينالدىرىپ، ولاردى ولگا شيشيگينا، ولگا رىپاكوۆا، عۇسمان قوسانوۆ سەكىلدى مىقتى جەلاياقتاردىڭ دەڭگەيىنە جەتكىزۋ مىندەتى تۇر. بۇگىنگى وتكىزىلىپ جاتقان دوداعا قاتىسۋشىلاردىڭ سانى وتە كوپ. ارقايسىسىنىڭ كوزدەرىنەن جەڭىسكە دەگەن ۇمتىلىس انىق بايقالدى»، دەيدى قالالىق سپورت باسقارما باسشىسىنىڭ ورىنباسارى ەركەعالي كوربوزوۆ.

جىلدى قورىتىندىلايتىن ايتۋلى سايىستا جاس اتلەتشىلەر 9 ءپان، 1 ەستافەتا بويىنشا باق سىنايتىن بولادى. ايتۋلى دوداعا استانا قالاسىنىڭ جەڭىل اتلەتتەرى عانا ەمەس، ەلىمىزدىڭ قاراعاندى، سولتۇستىك قازاقستان وبلىسى، تەمىرتاۋ، قاراعاندى قالارىنان كەلگەن 180-گە تارتا سپورتشى قاتىسۋدا.

ۇيىمداستىرۋشىلاردىڭ ايتۋىنشا بيىلعى جارىستا ۇزدىك ۇشتىكتەگى سپورتشىلار استانا قالاسىنىڭ قۇراما كومانداسىنا ىرىكتەلىنىپ، رەسپۋبليكالىق، حالىقارالىق جارىستارعا قاتىسۋعا جولداما الا الادى.

جارىستىڭ العاشقى كۇنى ۇلدار مەن قىزدار 50 م، 400 م، 1500 م ۇزىندىققا سەكىرىپ، سپورتتىق سناريادتاردى لاقتىرىپ، سونداي-اق ەستافەتا جارىسىندا باقتارىن سىنادى.

جارىستىڭ قورىتىندىسى بويىنشا قىزدار اراسىندا 50 م ۇزىندىققا سەكىرۋدە ءبىرىنشى ورىندى ايدانا اياپوۆا ەنشىلەسە، ەكىنشى جانە ءۇشىنشى ورىنعا داريا رىندا مەن اننا ميششەنكو جايعاستى. ءدال وسىنداي قاشىقتىقتا ۇلدار اراسىندا دا ۇزدىكتەر انىقتالدى. ولار: 1-ورىن رۋسلان قۇرماناليەۆ، 2-ورىن ميحايل ۆوۆچەنكو، 3-ورىن ارتۋر زاگورسكي.