«اۆتوۋراگاندى» الداي المايسىڭ

اقتوبەلىك پوليتسەيلەر جىل باسىنان بەرى «اۆتوۋراگان - پ» جىلجىمالى كەشەنىنىڭ كومەگىمەن جول قوزعالىسى ەرەجەلەرىن بۇزعانى ءۇشىن ايىپپۇل تولەۋدەن جالتارىپ جۇرگەن جۇرگىزۋشىلەردى انىقتاۋمەن اينالىسىپ كەلەدى. وبلىستىق ىشكى ىستەر دەپارتامەنتى ءباسپاسوز قىزمەتىنىڭ دەرەكتەرىنە سۇيەنسەك, ولاردىڭ مەملەكەتكە جانە ەكىنشى دەڭگەيلى بانكتەرگە جالپى تولەنبەگەن بەرەشەگى 200 ميلليون تەڭگەگە جۋىقتاپتى. وبلىستىق ىشكى ىستەر دەپار­تامەنتى جاڭا جىلدىڭ قارساڭىندا «تويوتا حايەس» اۆتوماشيناسى بازاسىندا ورناتىلعان «اۆتوۋراگان-پ» جىلجىمالى كە­شەنىن العان بولاتىن. بۇل تەحنيكا اۆتوماشينالاردىڭ مەملەكەتتىك تىركەۋ ءنومىرى بەلگىسىن كولىك تاسقىنىندا انىقتاي الادى. ول ستاتسيونارلىق اۆتوماتتى جىلدامدىق ولشەگىشتەر جۇمىسىنىڭ ناتيجەسىندە ايىپ­پۇل سالىنعانى تۋرالى قاۋلى شى­عارىلعان جۇرگىزۋشىلەر دەرەك­تەرى بويىنشا تەحنيكالىق قۇرال­داردى رەتتەيدى. بۇل جول قوز­عالىسى ەرەجەلەرىن بۇزۋشى­لاردان الىناتىن ايىپپۇل ءمول­شەرىن اناعۇرلىم ارتتىرۋعا ىقپال ەتكەن. سونداي-اق, كەشەن شەكتەۋلەردىڭ ءارتۇرلى بازالارى جانە جەدەل باعدارلاۋ بويىنشا كولىك قۇرالدارىن ىزدەۋدى جۇزەگە اسىرادى. وسى كەزگە دەيىن «اۆتو­ۋرا­گان-پ» جىلجىمالى اپ­­پا­­راتتىق-باعدارلامالىق كە­شەنى­­نىڭ كومەگىمەن 3309 اۆتوكولىك جۇرگىزۋشى تەكسەرىلىپ, ولاردىڭ 9-ىنىڭ تەحنيكا قۇرالدارىن جالعان مەملەكەتتىك تىركەۋ ءنومىرى بەلگىسىمەن جۇرگىزىپ جۇرگەنى, 35-ءىنىڭ كولىك قۇرالدارىن جۇرگىزۋ كۋالىگىنەن ايىرىلعانى جانە 200 شوفەردىڭ جول قوزعالىسى ەرەجەلەرىن بۇزعانى انىقتالىپتى. بۇل جول پوليتسياسىنىڭ جۇمىسىن جەڭىلدەتۋگە كوپ كومەك ەكەن. «اۆتوۋراگاننان» ايداعىشتاردىڭ ءوزى ايىلىن جيىپ, تىزگىندەرىن تەجەۋگە ۇيرەنە باستاپتى. ساتىبالدى ءساۋىرباي, «ەگەمەن قازاقستان». اقتوبە وبلىسى.