- ءبىزدىڭ حالىقتارىمىز, ارينە, قازاقستان حالقى دا, ءبىزدىڭ كاسىپكەرلەرىمىز دە مۇنداي ينتەگراتسيانىڭ پايداسى مەن ناتيجەسىن كورۋى ءتيىس. دەگەنمەن كوزدەلگەن كوپتەگەن ينتەگراتسيالىق باعىت بويىنشا ءبىز ءالى دە «كىبىرتىكتەپ» تۇرمىز. مىسالى, وداقتىڭ تسيفرلىق كۇن تارتىبىندەگى جۇمىستاردىڭ ناتيجەسى كورىنبەيدى. قازاقستان بۇل باعىتتا ايتارلىقتاي العا جىلجىدى. بۇگىندە ءبىز تسيفرلاندىرىلعان وتىز مەملەكەتتىڭ قاتارىنا كىرەمىز, - دەدى ق.توقاەۆ.
پرەزيدەنت سونداي-اق ەلىمىزدە مەملەكەتتىك قىزمەتتەردىڭ 90 پايىزدان استامى ەلەكتروندى فورماتتا كورسەتىلەتىنىن اتاپ ءوتتى.
- ءىت تەحنولوگيالار مەن يننوۆاتسيالاردىڭ باسەكەگە قابىلەتىن ارتتىرۋ ءۇشىن زاڭنامالىق نەگىزدەر جاسالدى. IT ستارتاپتارىنىڭ حالىقارالىق تەحنوپاركى تابىستى جۇمىس ىستەيدى. كريپتويندۋستريا دامىپ, تسيفرلىق تەڭگە ەنگىزىلىپ جاتىر. وسىنىڭ ءبارىن ينتەگراتسيانى دامىتۋعا, ەۋرازيالىق اۋقىمداعى جوبالاردى جاساۋعا پايدالانۋىمىز كەرەك دەپ ەسەپتەيمىن. ءبىز وداققا مۇشە ەلدەردى وسى باعىتتاعى جۇمىستى جانداندىرۋعا شاقىرامىز, - دەدى مەملەكەت باسشىسى.
