باسەكەنىڭ سالتاناتتى اشىلۋىنا قالالىق سپورت باسقارماسى باسشىسىنىڭ ورىنباسارى ەركەعالي كوربوزوۆ, استانا قالاسى ءبىلىم باسقارماسىنىڭ باسشىسى قاسىمحان سەنعازىەۆ قاتىستى.
«بارىمىزگە ءمالىم ەربول ءىسلام ۇلى – استانا مەكتەپ وقۋشىلارىنىڭ اراسىندا العاش بولىپ گاندبول سپورت ءتۇرىنىڭ دامۋىنا ۇلەس قوسقان جانداردىڭ ءبىرى. الكەي مارعۇلان اتىنداعى №40 مەكتەپتە سەكتسيا اشىلۋىنا بارلىق مۇمكىندىكتى جاسادى. كەيىننەن ءال-فارابي اتىنداعى وقۋشىلار سارايىندا دا گاندبول سەكتسياسى جۇمىسىن باستادى. ەربول ىرگەباي استانا قالاسى گاندبول فەدەراتسياسىنىڭ ۆيتسە-پرەزيدەنتى بولعان. بۇگىنگى كۇنى سەكتسيا تاربيەلەنۋشىلەرى ەلىمىزدىڭ قۇراما كومانداسىندا وينايدى. وسىنداي يگى باستامانى قولداپ باسىن باستاپ كەتكەن اعامىزعا ريزاشىلىعىمىزدى بىلدىرەمىن. وسى تۋرنيرگە وزبەكستان ەلىنەن ارنايى كەلگەن سپورتشىلارعا, سونىمەن قاتار اقمولا, قاراعاندى سەكىلدى وبلىستاردان قاتىسىپ وتىرعان كوماندالارعا ساتتىلىك تىلەيمىن. جەڭىستى كۇندەر كوپ بولسىن», دەدى قالالىق ءبىلىم باسقارماسىنىڭ باسشىسى.
قول دوبى باسەكەسى اينالما جۇيە بويىنشا وتەدى, وندا 8 كوماندا ءوزارا باق سىنايدى. جارىستىڭ باعدارلاماسى بويىنشا 10 جەلتوقسانعا دەيىن كوماندالار اراسىندا كەزدەسۋلەر وتەدى. ال 11 جەلتوقسان كۇنى ساعات 14:00-گە جارىستىڭ اقتىق ويىندارى مەن ماراپاتتاۋ ءراسىمى جوسپارلانعان.
