قوعامدىق ۇيىم – قوزعاۋشى كۇش

جاقىندا ەلىمىزدەگى قوعامدىق ۇيىمنىڭ قۇرىلتايى وتەدى. وعان دايىندىق شارالارى دا ورىستە­تىلۋدە. ال جالپى قوعام دامۋىنا بايلانىستى ادامداردىڭ دا ومىرگە دەگەن كوزقاراسى, الەۋمەتتىك سۇرا­نى­سى وسەتىنى انىق. سوندىقتان دا ۇيىم جۇمىسىنداعى ۇردىستەردى قول­دانىستاعى زاڭ اياسىندا جۇرگىزۋ قا­جەت. ونىڭ ۇستىنە مەملەكەت باس­شى­سى حالىقتىڭ الەۋمەتتىك جاع­دايىن جاقسارتۋعا ەرەكشە نازار اۋدا­رىپ وتىر. ماسەلەن, بيىلعى جىلدىڭ مامىر ايىندا ەلباسى نۇرسۇلتان نازارباەۆ كاسىپوداقتار فەدەراتسياسىنىڭ توراعاسى سيازبەك مۇقاشەۆتى قابىلداپ, ەلىمىزدەگى قازىرگى كاسىپوداقتار قوزعالىسى, ەلدىڭ الەۋمەتتىك-ەكونوميكالىق ماسەلەلەرىن شەشۋدەگى قوعامدىق ۇيىم­داردىڭ بىرلەسە اتقارعان جۇ­مىس­تارى جانە الدا تۇرعان مىندەتتەر جايلى اڭگىمەلەستى. جەزقازعان قالاسىندا 2008 جىلى وتكەن رەسپۋبليكالىق بيز­نەس-فورۋمدا ەلباسى بيزنەستىڭ الەۋ­مەتتىك ماسەلەلەردى شەشۋدەگى جاۋاپ­كەرشىلىگىن اتاپ كورسەتىپ, “ۇيىمدىق كەلىسىم جاساڭدار” اكتسياسىن باستاپ بەرگەن ەدى. سودان بەرى جەتىسۋ وڭىرىندە الماتى كاسىپوداقتارى وداعى مەن ونىڭ قۇرامىنداعى 285 مىڭ مۇشەسى بار 23 سالالىق كاسىپوداقتارداعى 249 ۇيىم مەن 40 بولىمشەدە 1476 ۇجىمدىق كەلىسىم جاسالدى. قازىرگى كەزدە سول قۇجات نەگىزىندە جۇمىس ءجۇر­گىزىلۋدە. ەلباسىنىڭ اتالعان فورۋمدا ايتقان قازىرگى كاسىپ­وداق­تار الەۋمەتتىك ماسەلەلەردىڭ دۇرىس شەشىلۋىن قوعامدىق ۇيىم رەتىندە باقىلاۋدى ءوز مىندەتىنە الۋى كەرەك دەگەن تاپسىرماسى جۇمىسىمىزدىڭ نەگىزىنە اينالعان. جۇمىس بەرۋشىلەر مەن ءوندىرىس­شى­لەر وداعى, قالا مەن وبلىس اكىمى جانە الماتى كاسىپوداقتارى وداعى اراسىنداعى ءۇش جاقتى ۇجىمدىق كەلىسىم 20 جىلدان بەرى ءار ەكى جىل سايىن جاسالىپ, وندا تاراپتار الدىنا قويىلعان مىندەتتەردىڭ ورىندالۋىن ۇنەمى باقىلاۋدا ۇستاۋدا. ناتيجەسىندە جۇمىس بەرۋشىلەر مەن ونى ورىنداۋشىلار  اراسىنداعى تۇسىنىستىك جاقسارىپ, ەكى اراداعى كەلىسىم شەشىمىن تاپتى دەۋىمىزگە نەگىز بار. ەڭبەك ادامىنىڭ دەنساۋلىعىن جاقسارتۋ, ۇيىمداستىرۋ جايى دا وڭ شەشىلۋدە. كاسىپوداقتار قاراپايىم جۇمىسشىلار مەن ولاردىڭ بالا­لا­رى­نىڭ دەمالىسىن ۇيىمداستىرۋعا, تۇرمىسى تومەن وتباسىلارىنا, مۇگە­دەكتەر مەن سوعىس جانە ەڭبەك ار­داگەرلەرىنە الەۋمەتتىك جاردەم­دەر جاساۋعا, انا مەن بالا قۇقىنىڭ قورعالۋىنا, جۇمىس ورىن­دارىن­داعى ەڭبەك جانە تەحنيكالىق قاۋىپ­سىزدىكتى ساقتاپ, ەڭبەك زاڭدى­لىق­تارىنىڭ بۇزىلماۋىن قامتاماسىز ەتۋگە بەلسەنە اتسالىسىپ وتىرعا­نىن اتاپ ايتقان ءجون. الماتى قالاسى مەن وبلىس بوي­ىنشا قوعامدىق نەگىزدە جۇمىس ءىس­تەيتىن 1488 تەحنيكالىق-ينسپەكتور وتكەن ءبىر جىل ىشىندە عانا قۇرىلىس سالاسى مەن ءوندىرىس ورىندارىندا ءتۇرلى مەكەمەلەردە 430 دۇركىن تەك­سەرۋ وتكىزىپ, كەيبىر ورىن العان كەمشىلىكتەردىڭ بەتىن اشتى. ءتيىستى ورىندارعا, مەكەمە باسشىلارىنا جازباشا جانە اۋىزشا ەسكەرتۋلەر جاسالدى. جىبەرگەن كەمشىلىكتەرى ءۇشىن ەڭبەك ۇجىمدارىنىڭ كەيبىر باسشىلارىنا قاتاڭ شارالار قولدانعان دەرەكتەر دە بار. قازىر الماتى قالاسى مەن اتال­عان وبلىستا تىكەلەي كاسىپوداق­تار­دىڭ ارالاسۋىمەن جۇمىسشى-قىز­مەت­شىلەر مەن وقۋشىلاردىڭ جازعى دەمالىسىن ويداعىداي ۇيىم­داستىرۋ شاراسى قولعا الىنىپ, سوڭعى ازىرلىكتەر تەكسەرىلۋدە. قىزمەتتىك ماقساتى ەڭ الدى­مەن قاراپايىم ەڭبەك ادامدارى مەن جۇمىسشى-قىزمەتشىلەردىڭ الەۋمەتتىك-ەكونوميكالىق جاع­دايىن جاقسارتۋدى ويلاۋدان باستالاتىن قوعامدىق ۇيىمعا ەلباسىنىڭ ءوزى نازار اۋدارىپ, قولداۋ كورسەتىپ وتىرعاندا ءىسىمىزدى شيراتقان ۇستىنە شيراتا ءتۇسۋىمىز كەرەك ەكەنىن انىق سەزىنەمىز. بۇل جولعى قۇرىلتايدا تىندىرىلاتىن ىستەرمەن قاتار الدا اتقاراتىن اۋقىمدى مىندەتتەر دە ايقىندالا­تىن بولادى. ارينە, قۇرىلتاي جۇ­مىسى بۇگىنگى وركەنيەتكە بەتتەگەن تۇستاعى ەڭبەك ادامدارىنىڭ قۇقىق­تارىن قورعاۋداعى جاڭا قىرىنان كورىنەدى دەگەن سەنىم­دەمىز. مىرزاعالي  مولداحمەت, الماتى وبلىستىق كاسىپوداقتار وداعىنىڭ توراعاسى.