قازاقستان • 07 جەلتوقسان، 2022

قازاقستانعا كەلگەن تۋريستەر سانى 3،6 ەسە ءوستى

85 رەت كورسەتىلدى

2022 جىلدىڭ 9 ايىندا 5،5 ميلليون قازاقستاندىق شەتەلدە دەمالىپ، 3،4 ميلليون ادام باسقا ەلدەردەن قازاقستانعا دەمالۋعا كەلگەن، دەپ حابارلايدى Egemen.kz ۇلتتىق ستاتيستيكا بيۋروسىنىڭ ءباسپاسوز قىزمەتىنە سىلتەمە جاساپ.

«وتكەن جىلدىڭ 9 ايىمەن سالىستىرعاندا شەتەلگە دەمالۋعا بارعاندار سانى 2،2 ەسەگە، قازاقستانعا دەمالۋعا كەلگەندەر سانى 3،6 ەسەگە وسكەن. بۇل رەتتە ىشكى تۋريستىك باعىتتارعا كەلۋشىلەر سانى 25،1%-عا ارتىپ، بيىلعى جىلدىڭ قاڭتار-قىركۇيەك ايلارىندا جەرگىلىكتى سۇلۋلىقتى 4،8 ملن ادام تاماشالادى. كەلۋشىلەرگە 3965 دەمالىس ورنى دايىندالدى، وندا 84 416 بولمە بار. ول جەردە 5،4 ميلليون ادام دەمالىپ، 129 183،2 ميلليون تەڭگەگە قىزمەت كورسەتتى»، دەلىنگەن حابارلامادا.

ستاتيستيكالىق مالىمەتتەرگە سايكەس، ورنالاستىرۋ ورىندارىمەن كورسەتىلگەن قىزمەت كولەمى (مەيرامحانا قىزمەتتەرىن قوسپاعاندا) وتكەن جىلمەن سالىستىرعاندا 54،5%-عا وسكەن.

سونداي-اق ۇلتتىق ستاتيستيكا بيۋروسى بيىلعى جىلدىڭ 9 ايىندا كۋرورتتىق ايماقتارعا 2،4 ميلليون قازاقستاندىق جانە 317،2 مىڭ شەتەلدىك تۋريست كەلگەنىن اتاپ ءوتتى.

سوڭعى جاڭالىقتار

الماتىدا ەكى اۆتوبۋس سوقتىعىستى

ايماقتار • بۇگىن، 11:33

ءوندىرىس كولەمى كەمىگەن

قازاقستان • بۇگىن، 08:58

ۇقساس جاڭالىقتار