وقيعا • 07 جەلتوقسان، 2022

الماتى وبلىسىندا جەكە ۇيدەن ءورت شىقتى

73 رەت كورسەتىلدى

الماتى وبلىسى ەڭبەكشىقازاق اۋدانى كوسموس اۋىلىندا تۇندە جەكە ءۇي ورتەنىپ، ءۇش ادام قازا تاپتى، التاۋى اۋرۋحاناعا جاتقىزىلدى، دەپ حابارلايدى Egemen.kz.

الماتى وبلىسى توتەنشە جاعدايلار دەپارتامەنتىنىڭ مالىمەتىنشە، 7 جەلتوقسان كۇنى ساعات 00:16-دا كوسموس كەنتىندە پەرۆومايسكايا كوشەسىنىڭ بويىندا جەكە تۇرعىن ءۇي ورتەنگەنى تۋرالى حابارلاما تۇسكەن.

تجد قىزمەتكەرلەرى شاقىرۋ ورنىنا جەتكەندە 90 شارشى مەتر اۋماقتا جەكە تۇرعىن ءۇي ورتەنىپ جاتقانىن انىقتادى. بۇل ۇيدە 2021 جىلدان بەرى ءبىر وتباسى تۇراتىن. وتباسىندا سەگىز ادام بار.

ء«ورتتى ءسوندىرۋ بارىسىندا 1960 جىلى تۋعان ايەلدىڭ، 2018 جانە 2019 جىلى تۋعان ۇل بالالاردىڭ مايىتتەرى تابىلدى. سونداي-اق ءورت بولعان جەردەن ساعات 01:30-دا ەسىك قالاسىنىڭ ورتالىق اۋداندىق اۋرۋحاناسىنا 1999 جىلى تۋعان ايەل (قايتىس بولعان بالالاردىڭ اناسى)، 2022 جىلى تۋعان ۇل بالا جەتكىزىلدى، 1991 جىلى تۋعان ەر ادام (قايتىس بولعان بالالاردىڭ اكەسى)، 1958 جىلى تۋعان ەر ادام، (اتاسى)، 2002 جانە 2004 جىلى تۋعان ەر ادامدار جەتكىزىلدى»، دەدى تجد ءباسپاسوز قىزمەتى.

ءورت 01:03-تە وقشاۋلانىپ، 01:15-تە جويىلدى. ءورت فاكتىسى بويىنشا 292-باپتىڭ 3-ءبولىمى بويىنشا قىلمىستىق ءىس قوزعالدى. 

سوڭعى جاڭالىقتار

الماتىدا ەكى اۆتوبۋس سوقتىعىستى

ايماقتار • بۇگىن، 11:33

ۇقساس جاڭالىقتار