ايماقتار • 07 جەلتوقسان، 2022

اسىل تۇقىمنىڭ پايداسى

64 رەت كورسەتىلدى

زەڭگى بابا ءتولىن باعۋدىڭ ازابى كوپ بولعانىمەن، پايداسى كول-كوسىر. ەرىنبەگەن ادام اتاكاسىپتى زامانعا ساي تۇرلەندىرىپ، ەڭبەگىنىڭ جەمىسىن كورەدى. وعان مەملەكەت تە جاردەمدەسۋگە بەيىل. مۇنى جەتىسۋلىق شارۋالار جاقسى تۇسىنەدى. وڭىردە مال شارۋاشىلىعى باعىتىندا 2 561 شارۋاشىلىق بار. قازىر ولارداعى ءىرى قارا سانى جارتى ميلليونعا جۋىق. سونىڭ ىشىندە اسىل تۇقىمدى مالدىڭ سانى بىلتىرعىمەن سالىستىرعاندا 12 پايىزعا ءوستى.

جەتىسۋ وبلىسى اكىمدىگى ءباسپاسوز قىزمەتىنىڭ مالىمەتىنە سۇيەنسەك، بيىل ايماقتا اسىل تۇقىمدى مالدىڭ ۇلەسى 20،2 پايىزعا كوبەيگەن. وسى باعىت بويىنشا 523 شارۋاشىلىق 1 ملرد تەڭگەدەن استام سۋبسيديا العان ەكەن. بۇگىندە قوسىمشا ءوتىنىم بەرگەندەر ءالى دە بار. وسى رەتتە كەربۇلاق اۋدانىنداعى شارۋالاردى مىسالعا الا كەتسەك. مۇندا ءىرى قارا سانى 65 مىڭنان اسادى. ال ۇساق مال 324 مىڭعا، جىلقى سانى 23 مىڭعا جەتەدى. 71 مىڭداي قۇس بار. اۋداندا 2 400-دەي شارۋاشىلىق اۋىل اگرو سالادا ەڭبەك ەتەدى. سونىڭ ىشىندە اسىل تۇقىمدى مال وسىرۋگە ەرەكشە كوڭىل بولىنەدى. 22 شارۋا قوجالىعى 2 400 باس اسىل تۇقىمدى ءىرى قارا، 2 500 باس اسىل تۇقىمدى ۇساق مال ءوسىرىپ وتىر. سول قاتاردا اسىلداندىرۋمەن اينالىسىپ جۇرگەن فەرمەردىڭ ءبىرى – جانات وماروۆ.

اتالعان قوجالىق 1993 جىلى قۇرىلعان. قازىر وندا جالپى اۋماعى 1 814 گەكتاردان استام جەر بار. سونىڭ 921 گەكتارى – ەگىستىك، جايىلىمدىق جانە شابىندىق جەرى – 893 گەكتار. بيىل 771 گەكتار جەرگە كۇزدىك بيداي، 729 گەكتارعا ارپا سەبىلگەن. جال­پى، شىعىمدىلىعى ءار گەكتارىنا 21 تسەنت­نەردەن اينالدى. شارۋاشىلىقتا 140 باس قوي، 300 باس ءىرى قارا، 100 جىلقى بار. وعان قوسا تاۋىق، كۇركەتاۋىق، ۇيرەك اسىرايدى. قىسقى مال ازىعى رەتىندە 500 توننا ءشوپ، 200 توننا سابان دايىندالعان. مۇندا سيىردىڭ «اۋليەكول» تۇقىمىن ءوسىرۋ قولعا الىنعان.

شارۋا قوجالىعىنىڭ باسشىسى جانات وماروۆتىڭ ايتۋىنشا، ءار ەكى جىل سايىن ءتول جاڭارتۋ جۇمىستارى جۇرگىزىلەدى.

«اسىل تۇقىمدى مال وسىرۋمەن اينالىس­قانىما ون جىلداي بولدى. باستاپقىدا 30 باس قۇناجىن مەن اۋليەكول تۇقىمدى بۇقا ساتىپ الدىق. قازىر اسىل تۇقىمدى مال باسى 150-گە جەتتى. شاعىن بورداقى الاڭىمىز بار، وندا ساتۋعا قويىلاتىن 60-70 باستى ۇستايمىز، 20-30-ىن قىسقا قالدىرامىز. تۇقىمنىڭ تازالىعىن ساقتاۋ ءۇشىن ەكى جىل سايىن مال باسىن جاڭالاپ ساتىپ الىپ وتىرامىز. سونىڭ ناتيجەسىندە بورداقىلانعان ءبىر بۇقادان 350 كيلوعا دەيىن تازا ەت الامىز»، دەدى ج.وماروۆ.

جالپى، وتكەن 9 ايدا كەربۇلاق اۋدانىن­­دا 6 990،7 توننا ەت، 37 مىڭ تونناداي ءسۇت، 6 مىڭ داناداي جۇمىرتقا ون­دى­رىلگەن. سونداي-اق 213 مىڭداي تون­نا ءشوپ جينالعان. فەرمەردىڭ اي­تۋىنشا، اۋىل شارۋاشىلىعىنىڭ ەڭ باستى پروبلەمالارىنىڭ ءبىرى – كادر ماسەلەسى. جاقسى مامان تابۋ قيىننىڭ قيىنى كورىنەدى.

«قازىر اگروونەركاسىپ كەشەنىندە نەگىزى­نەن اعا ۇرپاق ەڭبەك ەتەدى، اۋىل شارۋا­شىلىعىنا جاستاردىڭ دا قىزىعۋشىلىعىن ارتتىرۋمىز كەرەك. اگرونوم، مەحانيزاتور، كومباينشى، تراكتورشى، ۆەتەرينار ماماندىقتارىن مەڭگەرسە دەيمىن. بىزدە وسى ماماندىقتاردىڭ ءبارى سۇرانىستا. بۇ­لار تۇراقتى تابىسى بار ماماندىقتار، ءتيىس­تى الەۋمەتتىك جەڭىلدىكتەرى دە بار. اۋىل شارۋاشىلىعىندا مەملەكەتتىڭ قول­داۋىن­سىز وڭاي ەمەس. اسىرەسە مينەرال­دى تىڭايت­قىشتار، تۇقىم، جانار-جا­عار­ماي، گەربي­تسيد، تەحنيكا بولشەكتەرى – ءبارىنىڭ باعاسى ءوسىپ جاتقان قازىرگى ۋاقىتتا مۇنداي قولداۋ­دىڭ كومەگى بىزگە ەداۋىر»، دەدى ج.وماروۆ.

جالپى، بيىل كوكتەمگى دالا جۇمىستارى­نا اۋدانعا جەڭىلدىك باعامەن 1 600 توننا قاجەتتى جانار-جاعارماي بولىنگەن. جىل باسىنان بەرى ماشينا-تراكتور پاركتەرىن جاڭارتۋ ءۇشىن 954 ملن تەڭگەگە 40 بىرلىك ارنايى تەحنيكا ساتىپ الىنعان. اتاپ ايتساق، 20 تراكتور، 6 كومباين شارۋالاردىڭ يگىلىگىنە جاراعان.

بۇگىندە كەربۇلاقتا 4 سەرۆيستىك دايىنداۋ ورتالىعى جۇمىس ىستەيدى. وندا قۇنى 1،6 ملرد تەڭگە بولاتىن 43 بىرلىك اۋىل شارۋاشىلىعى تەحنيكاسى بار. وتكەن توعىز ايدا اۋىل شارۋاشىلىعىندا 47،6 ملرد تەڭگەنىڭ ءونىمى وندىرىلگەن. بۇل رەتتە ناقتى كولەم يندەكسى – 101،4 پايىز.

 

جەتىسۋ وبلىسى

 

سوڭعى جاڭالىقتار

اۆتوجول قۇرىلىسىنىڭ قارقىنى

ايماقتار • بۇگىن، 08:46

ينۆەستيتسيالىق تابىس

ەكونوميكا • بۇگىن، 08:44

جەلىگە «جەلىمدەلگەندەر»

ەكونوميكا • بۇگىن، 08:35

قوردىڭ قوماقتى قولداۋى

ەكونوميكا • كەشە

وتەماقىعا ءوتىنىش بەر

ەكونوميكا • كەشە

وتباسىندا – 36 بالا

قوعام • كەشە

سۋ باسۋدىڭ قاۋىپ-قاتەرى

ايماقتار • كەشە

تۇماۋدان ساق بولىڭىز!

مەديتسينا • كەشە

كۇرە جولداعى اپات

ايماقتار • كەشە

سەنى وسىلاي سۇيەمىن

ادەبيەت • كەشە

اعاش ادام

ادەبيەت • كەشە

ۇقساس جاڭالىقتار