ءمينيستردىڭ ايتۋىنشا, سالىق كودەكسىنە شاعىن كاسىپكەرلىك سۋبەكتىلەرىنىڭ قىزمەتكەرلەرىنە بىرىڭعاي مىندەتتى تولەمدى ەنگىزۋگە قاتىستى تۇزەتۋلەر ەنگىزىلەدى. وسىلايشا, 2023 جىلى سالىق جۇكتەمەسىن 33-تەن 20%-عا دەيىن تومەندەتۋ جوسپارلانىپ وتىر.
«ەڭبەك قىزمەتىن ياندەكس تاكسي, گلوۆو جانە ت.ب. سياقتى ونلاين پلاتفورمالار ارقىلى جۇزەگە اسىراتىن تۇلعالار ءۇشىن ارنايى سالىق ەنگىزىلەدى. سونىمەن بىرگە سالىق اگەنتتەرى ءتيىستى تولەمدەردى جۇزەگە اسىراتىن ونلاين پلاتفورما وپەراتورلارىن انىقتاۋى كەرەك», دەپ ءتۇسىندىردى تامارا دۇيسەنوۆا.
سونداي-اق قىزمەتكەرلەردى جازاتايىم وقيعالاردان ساقتاندىراتىن جۇمىس بەرۋشىلەر ءۇشىن ساقتاندىرۋ تاريفتەرىن تومەندەتۋ قاراستىرىلعان.
«تاريفتەردى تومەندەتۋ بويىنشا قابىلدانعان شارالار مەملەكەتتىك الەۋمەتتىك ساقتاندىرۋ قورىنان جانە ساقتاندىرۋ ۇيىمدارىنان تولەنەتىن الەۋمەتتىك تولەمدەردىڭ كولەمىن كەزەڭ-كەزەڭىمەن ۇلعايتۋمەن ۇشتاسادى. وسىلايشا كەلەسى جىلدان باستاپ جۇمىسىنان ايىرىلعان ازاماتتار 6 ايعا دەيىن بۇرىنعى تابىسىنىڭ 45% مولشەرىندە مەملەكەتتىك الەۋمەتتىك ساقتاندىرۋ قورىنان تولەمدەر الادى», دەپ قوستى ۆەدومستۆو باسشىسى.
