قوعام • 05 جەلتوقسان، 2022

كىشكەنتاي قۇتقارۋشى

2363 رەت كورسەتىلدى

قاۋىپتىڭ قايدان، قاشان تاپ بولارىن كىم بىلگەن؟ اتىراۋدا ەكى ءجاسوسپىرىم جايىق وزەنىندە قاتقان مۇزدىڭ ۇستىنە شىققان. سول كەزدە جۇقا مۇز ويىلىپ، ەكەۋى دە سۋعا ءتۇسىپ كەتكەن. وقىس وقيعا 3 جەلتوقسان كۇنى بولعان.

ال ولاردى قۇتقارۋعا قول ۇشىن سوزعان كىم؟ ءبىر تاڭدا­نار­لىعى، ەرەسەكتەر ەمەس، سول ماڭدا ويناپ جۇرگەن 8 جاسار دىن­مۇحاممەد جاڭبىرباي سۋعا باتقان زامانداستارىن قۇت­قارۋعا ءبىرىنشى بولىپ ۇم­تىل­عان. ءسويتىپ، ول وزىنەن ۇل­كەن ەكى ءجاسوسپىرىمنىڭ ءبىرىن قولىنان تارتىپ، سۋدان شىعارۋعا كو­مەك­تەسكەن. سۋدان شىققان ءجاس­وسپىرىمنىڭ ءبىرى ەكىنشىسىن قۇت­قارىپ قالعان. كەيىن سۋعا بات­قان ەكى ءجاسوسپىرىمنىڭ ءبىرى 14، ەكىنشىسى 9 جاستا ەكەنى انىق­تالدى.

وقيعا ورنىنا جەتكەن پوليتسيا قىزمەتكەرلەرى با­لالارعا العاشقى كومەك كور­سەتىپ، جاسوسپىرىمدەرگە دە، ولاردىڭ اتا-انالارىنا دا مۇز ۇستىندە ءجۇرۋدىڭ قاۋىپتى ەكەنىن ءتۇسىندىردى.

– بالامدى اجالدان قۇت­قارۋعا كومەك بەرگەن دىن­مۇ­حاممەدكە ارەكەتى مەن جانا­شىرلىعى ءۇشىن العىسىمدى ايتۋدى ءجون كوردىم. ول قورقىپ قاشىپ كەتپەي، باتىل ارەكەت ەتتى. قينالعان جانعا كومەگىن بەرگەن باتىل بالانىڭ اتا-اناسىنا دا ريزاشىلىعىمدى بىلدىرەمىن، – دەيدى 9 جاسار ءجاسوسپىرىمنىڭ اناسى.

وبلىستىق توتەنشە جاع­داي­لار دەپارتامەنتىنىڭ قو­عام­مەن بايلانىس توبى جا­يىق وزەنىندەگى مۇزدىڭ ءالى دە قاۋىپتى ەكەنىن ەسكەرتىپ وتىر. وزەن جاعالاۋىندا مۇزدىڭ قالىڭ­دىعى – 3-5 سم. ال وزەن­نىڭ ورتا تۇسىندا مۇز ءالى قاتپاعان.

 

اتىراۋ وبلىسى

سوڭعى جاڭالىقتار

يزرايلدە جەر سىلكىندى

الەم • بۇگىن، 10:03

ۇمىتكەرلەردى تىركەۋ باستالدى

سايلاۋ • بۇگىن، 08:58

دوستىق جانە مەملەكەتتىك مۇددە

قازاقستان • بۇگىن، 08:45

ينۆەستيتسيا كولەمى ازايعان

ينۆەستيتسيا • بۇگىن، 08:40

ۇزدىكتەر قاتارىندا

ماراپات • بۇگىن، 08:35

جامپوز

قازاقستان • بۇگىن، 08:25

جەدەل جەلى قوسىلدى

الەم • بۇگىن، 00:28

«ساۋلەڭ بولسا كەۋدەڭدە...»

پىكىر • بۇگىن، 00:21

قۋاتى مول قۇراما جەم

ەكونوميكا • بۇگىن، 00:14

تەكەلىنىڭ ءتاتتى تاعامدارى

ايماقتار • بۇگىن، 00:05

ۇقساس جاڭالىقتار