مەديتسينا • 05 جەلتوقسان، 2022

جاساندى جۇرەك تە ءومىردى ۇزارتادى

104 رەت كورسەتىلدى

بۇعان دەيىن «جۇرەكتى مەحانيكالىق قولداۋ» باعدارلاماسى استاناداعى ۇلتتىق كارديوحيرۋرگيا عىلىمي ورتالىعىندا ەنگىزىلسە، ەندى الماتىداعى كارديولوگيا جانە ىشكى اۋرۋلار عىلىمي-زەرتتەۋ ينستيتۋتى دا 60 جاستاعى پاتسيەنتكە جۇرەكتىڭ جاساندى سول جاق قارىنشاسىن (LVAD) يمپلانتتاۋ وپەراتسياسىن ساتىمەن اتقاردى. بۇل وپەراتسيانى الماتى كارديوحيرۋرگتەرى استاناداعى ۇلتتىق كارديوحيرۋرگيالىق عىلىمي ورتالىعىنداعى ارىپتەستەرىمەن بىرگە جاسادى.

«كومەكشى مەحانيكالىق قۇ­رىلعى – شۋنتتەۋ، كلاپانداردى پروتەزدەۋ، كارديوستيمۋلياتوردى يمپلانتاتسيالاۋ نەمەسە ءدارى-دارمەكپەن ەمدەۋ سياقتى باسقا ەم تۇرلەرى كومەكتەسە المايتىن جۇ­رەك اۋرۋىنىڭ اۋىر نەمەسە تەر­مي­نالدىق ساتىسىنداعى پا­تسيەنت­تەرگە سالىنادى»، دەدى كىاعزي كارديوحيرۋرگيا بو­لىمشەسىنىڭ مەڭگەرۋشىسى رۇستەم تولەۋتاەۆ.

ماماندار قازىر جەر بەتىندە 26 ميلليونداي ادام جۇرەك قىز­مەتى جەتكىلىكسىزدىگىنەن قينا­لاتىندىعىن ايتادى. پاتسيەنت­تەردىڭ 20 پايىزىندا اۋرۋى اسقىنىپ كەتەدى. وسى دەرتتىڭ سال­دارىنان جىل سايىن 1 ملن ادام اۋرۋحانا توسەگىنە تاڭى­لادى.

قاراپايىم تىلمەن ايتقاندا، بۇل كەسەلدى جۇرەك بۇلشىقەتىنىڭ اعزانى قان مەن وتتەگىگە قاجەت­تىلىگىن قاناعاتتاندىرۋ ءۇشىن جەتكىلىكتى مولشەردە قان ايداي المايتىن سوزىلمالى، ءور­شي بەرەتىن احۋال. ناۋقاستى ەنتىگۋ، كەۋدەنىڭ قىسىلۋى، اياق­تىڭ ءىسىنۋى، بۇيرەگى مازالايدى. مۇنىڭ سوڭى اسقىنا كەلە اجال قۇشتىرۋى مۇمكىن. سون­دىقتان سوزىلمالى جۇرەك فۋنك­تسياسىنىڭ جەتكىلىكسىزدىگى قا­تەرلى ىسىكتەن كەيىنگى ءولىم-جى­تىمگە جەتەلەيتىن اۋرۋلاردىڭ با­سىندا تۇر. ال LVAD يمپلانتاتسياسى اۋىر سجج دياگنوزى قويىلعان ناۋقاستاردى ەمدەۋدىڭ جاڭا ءداۋىرى دەسەك تە بولادى.

 «يمپلانتاتسيالاناتىن جۇ­رەك سورعىسى جۇرەككە قان­دى بۇ­­كىل اعزاعا ايداۋعا كومەك­تە­سەدى جانە سجج بەلگىلەرىن جە­ڭىل­­دەتەدى. وسىدان كەيىن جۇ­رەك قىز­مەتى جاقسارىپ، ناۋ­قاس­قا جۇرەك ترانسپلانتا­تسيا­سىن كۇتۋگە مۇم­كىندىك بەرەدى. كەيبىر ناۋقاستار ءۇشىن بۇل ءومىردى ۇزار­تۋدىڭ جالعىز مۇم­كىندىگى. ءبىز جۇرەككە جوعارى تەحنولوگيالىق وپەراتسيالاردىڭ بارلىق ءتۇرىن جاسايمىز. كەلە­شەكتە جۇرەك پاتولوگياسىن ەم­دەۋدىڭ جاڭا زاماناۋي ادىس­تە­رىن ۇلعايتۋدى جانە ودان ءارى ەنگىزۋدى جوسپارلاپ وتىرمىز»، دەيدى كارديولوگيا جانە ىشكى اۋرۋلار عزي باسقارما توراعاسى، پروفەسسور روزا قۋانىشبەكوۆا.

كلينيكا باسشىسىنىڭ اي­تۋىن­شا، ەكى تۇتىگى بار، بىرەۋى قول­قاعا، ەكىنشىسى جۇرەكتىڭ سول جاق قا­رىنشاسىنا قوسىلعان شاعىن سورعى سول جاق قارىن­شا­نىڭ قىز­مەتىن اتقارادى. LVAD ءومىر­دى ۇزارتۋعا، بۇرىنعى قالپىنا ورا­لۋعا مۇمكىندىك بە­رەدى. جا­ساندى جۇرەگى بار ناۋ­قاستىڭ باسقا ادامداردان ايىر­ماشىلىعى – ونىڭ تامىر سو­عىسى بولمايدى.

الماتىدا ەڭ ءبىرىنشى بولىپ جۇرەكتىڭ جاساندى قارىنشاسى سالىنعان الماتى وبلىسىنىڭ 60 جاستاعى تۇرعىنى عاپپار قا­ليەۆقا 2020 جىلى كارديو­ۆەرتەر-دەفيبريللياتور يمپلان­تا­تسيالانعان. باسقا دا قوسىمشا اۋرۋلار مازالاعان ناۋقاسقا جا­سالعان بۇل وپەراتسيا دا ءساتتى ءوتتى.

 

الماتى

سوڭعى جاڭالىقتار

يزرايلدە جەر سىلكىندى

الەم • بۇگىن، 10:03

ۇمىتكەرلەردى تىركەۋ باستالدى

سايلاۋ • بۇگىن، 08:58

دوستىق جانە مەملەكەتتىك مۇددە

قازاقستان • بۇگىن، 08:45

ينۆەستيتسيا كولەمى ازايعان

ينۆەستيتسيا • بۇگىن، 08:40

ۇزدىكتەر قاتارىندا

ماراپات • بۇگىن، 08:35

جامپوز

قازاقستان • بۇگىن، 08:25

جەدەل جەلى قوسىلدى

الەم • بۇگىن، 00:28

ۇقساس جاڭالىقتار