ايماقتار • 05 جەلتوقسان، 2022

جىلۋ قۇبىرىنداعى اپات

85 رەت كورسەتىلدى

ساقىلداعان سارى ايازدا رۋدنىي قالاسىندا جىلۋ قۇبىرى جارىلىپ، كوپ قاباتتى 33 تۇرعىن ءۇي، وعان قوسا سول ماڭايدا ورنالاسقان مەكتەپ، كوللەدج جانە بالاباقشا جارتى كۇن بويى جىلۋسىز قالدى.

30-قاراشا كۇنى قالانىڭ 9-شا­عىن اۋدانىنداعى №6 جانە №4 تۇرعىن ۇيلەردىڭ ماڭىندا جىلۋ ماگيسترالى جارىلعانى تۋرالى سۋىت حابار تاراپ كەتتى. سول كۇنى ساعات 16:43-تە اپاتتى جويۋ جۇمىستارىن ءتيىستى مەكەمەلەر باقىلاۋىنا العانىن جاريا ەتكەن قالالىق اكىمدىك: «تۇرعىن ۇيلەر مەن گاگارين كوشەسىندەگى №17 جالپى ءبىلىم بەرەتىن مەكتەپ ەكى ساعاتقا جىلىتۋ جۇيەسىنە قايتا قوسىلدى. ءدال قازىر جارىلعان قۇبىردىڭ سۋ كەتىپ جاتقان تۇسىن انىقتاۋ جۇمىستارى ءجۇرىپ جاتىر. مەكتەپتەگى اۋا تەمپەراتۋراسى 18-20 گرادۋس جىلى، ەكىنشى اۋىسىمدا وقيتىن جوعارعى سىنىپتارداعى ساباقتار قىسقارتىلدى. جاعداي تولىق باقىلاۋدا»، دەپ مالىمدەدى.

ساعات 17:30-دا قالا اكىمدى­گى­نىڭ تۇرعىن-ءۇي كوم­مۋ­نال­دىق شارۋاشىلىق ءبولىمى جىلۋ جەلىسىندەگى جا­رىقتىڭ انىقتالعانىن، «رۋدنىي جىلۋ جەلىلەرى» جشس-ءنىڭ اپاتتىق بريگادالارى قۇبىردى جەدەل بۇتىندەۋ جۇمىستارىن جۇرگىزىپ جاتقانىن حابارلادى.

جارىلعان قۇبىردى جون­دەۋ جۇمىستارى كەشكى ساعات 21:00-دە تولىق اياق­تا­لىپ، 9-شاعىن اۋدان­داعى الەۋمەتتىك نىساندار مەن تۇرعىن ۇيلەر ءبىرجولا تۇراقتى جىلۋ جۇيەسىنە قوسىلدى.

تۇرعىنداردىڭ ايتۋىنشا، قا­لاداعى جىلۋ قۇبىر­لا­رىنىڭ ىستەن شىعۋى ۇيرەنشىكتى كورى­نىسكە اينالىپ بارا جاتقان كورى­نەدى. وسى كۇزدە «رۋدنىي جىلۋ جە­لىلەرى» سەرىكتەستىگىنىڭ ماماندارى دا جىلۋ جول­دارىنىڭ ابدەن توزىپ كەت­كەنىن مالىمدەگەن. شاعىن شاھاردا جىلۋ بەرەتىن قۇبىرلاردىڭ بويىندا جىلىنا شامامەن 300-دەي اپات تىركەلەدى ەكەن.

 

قوستاناي وبلىسى،

رۋدنىي قالاسى

سوڭعى جاڭالىقتار

يزرايلدە جەر سىلكىندى

الەم • بۇگىن، 10:03

ۇمىتكەرلەردى تىركەۋ باستالدى

سايلاۋ • بۇگىن، 08:58

دوستىق جانە مەملەكەتتىك مۇددە

قازاقستان • بۇگىن، 08:45

ينۆەستيتسيا كولەمى ازايعان

ينۆەستيتسيا • بۇگىن، 08:40

ۇزدىكتەر قاتارىندا

ماراپات • بۇگىن، 08:35

جامپوز

قازاقستان • بۇگىن، 08:25

جەدەل جەلى قوسىلدى

الەم • بۇگىن، 00:28

«ساۋلەڭ بولسا كەۋدەڭدە...»

پىكىر • بۇگىن، 00:21

قۋاتى مول قۇراما جەم

ەكونوميكا • بۇگىن، 00:14

تەكەلىنىڭ ءتاتتى تاعامدارى

ايماقتار • بۇگىن، 00:05

ۇقساس جاڭالىقتار