قازاقستان • 02 جەلتوقسان، 2022

پرەزيدەنت اكىمشىلىگىنىڭ باسشىسى الماتىعا جۇمىس ساپارىمەن باردى

169 رەت كورسەتىلدى

مۇرات نۇرتىلەۋ بۇگىنگى جۇمىس ساپارى اياسىندا الماتىعا بارىپ، قالالىق ءماسليحاتتىڭ جيىنىنا قاتىستى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

پرەزيدەنت اكىمشىلىگىنىڭ باسشىسى الماتى قالاسىنىڭ اكىمى لاۋازىمىنا ەربولات دوساەۆ پەن بەكقالي تورعاەۆتىڭ كانديداتۋرالارىن ۇسىنۋ جونىندەگى مەملەكەت باسشىسىنىڭ حاتىن وقىدى. اشىق داۋىس بەرۋ ناتيجەسىندە 30 دەپۋتات ەربولات دوساەۆقا، 8 دەپۋتات بەكقالي تورعاەۆقا داۋىس بەردى. داۋىس بەرۋ ناتيجەسى بويىنشا ەربولات دوساەۆ مەملەكەت باسشىسىنىڭ جارلىعىمەن الماتى قالاسىنىڭ اكىمى بولىپ تاعايىندالدى.

مۇرات نۇرتىلەۋ ەربولات دوساەۆتى قالا اكىمى رەتىندە تانىستىرىپ، ونىڭ جاۋاپتى باسقارۋشىلىق قىزمەت جولىن اتاپ ءوتتى. پرەزيدەنت اكىمشىلىگىنىڭ باسشىسى اكىمگە قاسىم-جومارت توقاەۆتىڭ الماتىعا جۇمىس ساپارى كەزىندە ناقتىلاعان مىندەتتەرىن ورىنداۋ وزەكتى ەكەنىن جەتكىزدى. اتاپ ايتقاندا، وڭدەۋ ونەركاسىبىن، ءتۋريزمدى، IT سەكتورى مەن كرەاتيۆتى يندۋستريانى دامىتۋ ارقىلى ەكونوميكانى ءارتاراپتاندىرۋ قاجەت.

سونىمەن قاتار تۇرگەننەن قاسكەلەڭگە دەيىنگى الماتى تاۋ كلاستەرىن دامىتۋ، اۆتوموبيل جولدارىن جاڭارتۋ، جاڭا جۇمىس ورىندارىن اشۋ – باستى مىندەتتەردىڭ ءبىرى.

جيىندا مۇرات نۇرتىلەۋ بيىلعى ماڭىزدى ساياسي وڭ وزگەرىستەرگە اتسالىسقان، قولداۋ كورسەتكەن قالا تۇرعىندارىنا مەملەكەت باسشىسىنىڭ العىسىن جەتكىزدى.

سوڭعى جاڭالىقتار

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

قورجىندا قوس جۇلدە

سپورت • كەشە

ۇقساس جاڭالىقتار