قوعام • 02 جەلتوقسان، 2022

ەڭ تومەنگى جالاقى مەن زەينەتاقى مولشەرى بەلگىلەندى

192 رەت كورسەتىلدى

مەملەكەت باسشىسى قاسىم-جومارت توقاەۆ 1 جەلتوقساندا قول قويعان «2023-2025 جىلدارعا ارنالعان رەسپۋبليكالىق بيۋدجەت تۋرالى» زاڭ ەڭ تومەنگى جالاقى مولشەرىن، اەك جانە باسقا دا ەسەپتىك كورسەتكىشتەردى بەلگىلەيدى، دەپ حابارلايدى Egemen.kz.

ماسەلەن، 2023 جىلدىڭ 1 قاڭتارىنان باستاپ:

  • ەڭ تومەنگى جالاقى مولشەرى - 70 000 تەڭگە;
  • مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى - 24 341 تەڭگە;
  • زەينەتاقىنىڭ ەڭ تومەنگى مولشەرى - 53 076 تەڭگە;
  • ايلىق ەسەپتىك كورسەتكىش - 3450 تەڭگە;
  • بازالىق الەۋمەتتىك تولەمدەردىڭ مولشەرىن ەسەپتەۋ ءۇشىن ەڭ تومەنگى كۇنكورىس دەڭگەيىنىڭ شاماسى - 40 567 تەڭگە مولشەرىندە بەلگىلەندى.

سونداي-اق جاسىنا بايلانىستى زەينەتاقى تولەمدەرىنە جانە ەڭبەك سىڭىرگەن جىلدارى ءۇشىن زەينەتاقى تولەمدەرىنە باعىتتالعان قاراجات ولاردىڭ مولشەرىن 10،5%-عا ارتتىرۋدى ەسكەرە وتىرىپ كوزدەلگەنى انىقتالدى.

اسكەري قىزمەتشىلەرگە (مەرزىمدى قىزمەتتىڭ اسكەري قىزمەتشىلەرىنەن باسقا) جانە ارناۋلى مەملەكەتتىك جانە قۇقىق قورعاۋ ورگاندارىنىڭ، مەملەكەتتىك فەلدەگەرلىك قىزمەتتىڭ قىزمەتكەرلەرىنە تۇرعىن ءۇيدى ۇستاۋعا جانە كوممۋنالدىق قىزمەتتەرگە اقى تولەۋگە ارنالعان اقشالاي وتەماقىنىڭ ايلىق مولشەرى 3739 تەڭگەنى قۇرايدى.

سوڭعى جاڭالىقتار

الماتىدا ەكى اۆتوبۋس سوقتىعىستى

ايماقتار • بۇگىن، 11:33

ۇقساس جاڭالىقتار