ەكونوميكا • 02 جەلتوقسان، 2022

قاپتالعان سۋ مەن سۋسىندار ەندى تاڭبالانبايدى

122 رەت كورسەتىلدى

كەشە پرەمەر-ءمينيستردىڭ ورىنباسارى – ساۋدا جانە ينتەگراتسيا ءمينيسترى سەرىك جۇمانعارين «اتامەكەن» ۇلتتىق كاسىپكەرلەر پالاتاسىنىڭ الاڭىندا بيزنەسپەن تاڭبالاۋ ماسەلەلەرىن تالقىلادى، دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.

تالقىلاۋ بارىسىندا زەرگەرلىك بۇيىمداردى، قاپتالعان سۋ مەن سۋسىنداردى، اياق كيىمدى تاڭبالاۋ، فارماتسەۆتيكالىق تاۋارلاردى تاڭبالاۋ ماسەلەلەرى كوتەرىلدى.

كەزدەسۋدە قاپتالعان سۋ مەن قۇرامىندا قانت بار سۋسىنداردى تاڭبالاۋدىڭ پيلوتتىق جوباسى قورىتىندىلاندى. جوباعا 13-كە جۋىق كاسىپورىن قاتىستى.

«پيلوتتىق جوبانىڭ قورىتىندىسى بويىنشا تاڭبالاۋعا ارنالعان جابدىقتاردىڭ، باسپاحانالاردىڭ بولماۋى، كونترافاكتىنىڭ بولۋى، سونداي-اق وندىرۋشىلەرگە قارجىلىق جۇكتەمە سالدارىنان شىعارىلاتىن ءونىمنىڭ قىمباتتاۋى سىندى بىرقاتار كەمشىلىك انىقتالدى. تالقىلاۋ ناتيجەلەرى بويىنشا بيزنەس-قوعامداستىقپەن ەل ىشىندە مىندەتتى تاڭبالاۋدى ەنگىزۋدىڭ ورىنسىزدىعى تۋرالى شەشىم قابىلداندى»، دەدى سەرىك جۇمانعارين.

ەستەرىڭىزگە سالا كەتەيىك، تاۋارلاردى تسيفرلىق تاڭبالاۋ جۇيەسىن ەنگىزۋدىڭ نەگىزگى ماقساتتارىنىڭ ءبىرى كولەڭكەلى يمپورتقا قارسى كۇرەس بولدى. ستاتيستيكا دەرەكتەرى بويىنشا، قازاقستانعا اياق كيىم يمپورتى 34،8% - عا، 2019 جىلعى 39،5 ملن جۇپتان 2021 جىلى 53،2 ملن جۇپقا دەيىن ۇلعايدى. قر قم مكك دەرەكتەرى بويىنشا 2021 جىلى اياق كيىم اكەلۋدەن كەدەندىك باجدار مەن سالىقتاردى تولەۋ سوماسى 2019 جىلمەن سالىستىرعاندا ەكى ەسەگە ءوسىپ، 30 ملرد تەڭگەنى قۇرادى.

2022 جىلدىڭ 8 ايىندا كەدەندىك باجدار مەن سالىقتاردى تولەۋ سوماسى 14 ملرد تەڭگەنى قۇرادى.

مامانداندىرىلعان دۇكەندەردەگى اياق كيىم مەن بىلعارى بۇيىمدارىنىڭ بولشەك ساۋداسىنان تۇسەتىن سالىق تۇسىمدەرى 2019 جىلعى 2،7 ملرد تەڭگەدەن 2021 جىلى 7،9 ملرد تەڭگەگە دەيىن 2،9 ەسەگە جۋىق ءوستى.

2022 جىلدىڭ 8 ايىندا سالىق تۇسىمدەرى 6،8 ملرد تەڭگەنى قۇرادى.

ايتا كەتۋ كەرەك، بۇگىنگى تاڭدا تاڭبالاۋ بيزنەس ءۇشىن جەڭىلدىكتەردى ەسكەرە وتىرىپ، تولىق كولەمدە جۇمىس ىستەمەيدى.

تالقىلاۋ قورىتىندىسى بويىنشا «اتامەكەن» ۇلتتىق كاسىپكەرلەر پالاتاسى تورالقاسىنىڭ توراعاسى رايىمبەك باتالوۆ اياق كيىم مەن فارماتسەۆتيكالىق ونىمدەردى تاڭبالاۋ ماسەلەلەرى بويىنشا تاعى دا جەكە كەزدەسۋ ۇيىمداستىرىلاتىنىن اتاپ ءوتتى. تالقىلاۋعا 20-دان استام بيزنەس جانە قاۋىمداستىق وكىلدەرى قاتىستى.

سوڭعى جاڭالىقتار

جسدپ ۇمىتكەرلەرىن انىقتادى

ساياسات • بۇگىن، 00:08

ۇلت ءۇمىتىن اقتاعان

رۋحانيات • كەشە

يكەمدى باعام رەجىمى

قارجى • كەشە

ابە

ادەبيەت • كەشە

Enbek.kz ءبارىن جەڭبەك

قوعام • كەشە

«حات قورجىن»

ەگەمەن قازاقستان • كەشە

ابىگەرگە تۇسىرگەن تولاسسىز جاۋىن

توتەنشە جاعداي • كەشە

باۋكەڭنىڭ كوپ قىرى

ادەبيەت • كەشە

ۇقساس جاڭالىقتار