ساياسات • 02 جەلتوقسان، 2022

مۇحتار تىلەۋبەردى بىرقاتار ەلدىڭ باسشىسىمەن ەكىجاقتى كەزدەسۋ وتكىزدى

57 رەت كورسەتىلدى

ەقىۇ سىرتقى ىستەر مينيسترلەرى كەڭەسىنىڭ 29-شى وتىرىسى شەڭبەرىندە قازاقستان رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى س5+1 فورماتىنداعى «ورتالىق ازيا جانە گەرمانيا فەدەراتيۆتىك رەسپۋبليكاسى» مينيسترلىك كەزدەسۋىنە قاتىستى، دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.

كەزدەسۋدىڭ كۇن تارتىبىنە ورتالىق ازياداعى وڭىرلىك ىنتىماقتاستىق، اۋعانستانداعى قاۋىپسىزدىك، كليماتتىڭ وزگەرۋىنىڭ ايماق ەكونوميكاسىنا اسەرى جانە ت.ب. ماسەلەلەرى كىردى. ورتالىق ازيا مەن ەۋروپا ەلدەرىنىڭ ءوزارا بايلانىسىنا، اتاپ ايتقاندا، وڭىرارالىق ساۋدا مەن كولىك ينفراقۇرىلىمىن دامىتۋداعى، ونىڭ ىشىندە ەۋروپالىق وداقتىڭ «Global Gateway» باعدارلاماسىنىڭ كومەگىمەن ىنتىماقتاستىققا ەرەكشە نازار اۋدارىلدى.

شش

قر سىرتقى ساياسي ۆەدومستۆوسىنىڭ باسشىسى ءوز سوزىندە ترانزيت-كولىكتىك سالاداعى ىنتىماقتاستىق ماسەلەسى الەمدەگى بۇرىن-سوڭدى بولماعان سوڭعى گەوساياسي وزگەرىستەر مەن جەتكىزۋ تىزبەگىنىڭ بۇزىلۋى اياسىندا ەرەكشە وزەكتى بولىپ وتىرعانىن اتاپ ءوتتى.

«قازاقستان ورتالىق ازيا مەن ەۋروپا اراسىندا، ونىڭ ىشىندە گەرمانيامەن ءوزارا ۇلكەن بايلانىس ورناتۋعا مۇددەلى. ءبىز قاتىسۋشىلاردى ورتالىق ازيانىڭ مەملەكەتارالىق سۋ-ەنەرگەتيكالىق كونسورتسيۋمىن قۇرۋ باستاماسىنا قوسىلۋعا شاقىرامىز»، دەدى م.تىلەۋبەردى.

تاراپتار بالامالى مارشرۋتتاردى، اتاپ ايتقاندا ترانسكاسپي حالىقارالىق كولىك باعىتىن دامىتۋعا ءوزارا مۇددەلىلىكتىڭ جوعارى دەڭگەيىن راستادى.

ش

سونىمەن قاتار، سىمك اياسىندا م.تىلەۋبەردى اۋستريا، كانادا، كيپر، نورۆەگيا، پورتۋگاليا، سلوۆەنيا، ۇلىبريتانيا، شۆەتسيا، ەستونيا، دەموكراتيالىق ينستيتۋتتار جانە ادام قۇقىقتارى جونىندەگى بيۋرو (دياقب) جانە ەقىۇ پارلامەنتتىك اسسامبلەياسى دەلەگاتسيالارىنىڭ باسشىلارىمەن بىرقاتار ەكىجاقتى كەزدەسۋ وتكىزدى.

ەكىجاقتى كەلىسسوزدەر بارىسىندا اتالعان ەلدەرمەن جانە ۇيىمدارمەن ساياسي، ساۋدا-ەكونوميكالىق جانە مادەني-گۋمانيتارلىق ىنتىماقتاستىقتى ودان ءارى كەڭەيتۋدى قوسا العاندا، ەكىجاقتى كۇن ءتارتىبىنىڭ باسىم ماسەلەلەرى تالقىلاندى.

سوڭعى جاڭالىقتار

ۇقساس جاڭالىقتار