ءبىلىم • 01 جەلتوقسان، 2022

كوللەدجدەرگە اكادەميالىق دەربەستىك بەرىلەدى

132 رەت كورسەتىلدى

جاڭا وقۋ جىلىنان باستاپ ەلىمىزدىڭ كوللەدجدەرىنە اكادەميالىق ەركىندىك بەرىلدى. بۇل تۋرالى وقۋ-اعارتۋ ءمينيسترى اسحات ايماعامبەتوۆ ءوزىنىڭ Telegram ارناسىندا حابارلادى، دەپ جازادى Egemen.kz.

ءمينيستردىڭ ايتۋىنشا، بۇرىن وقۋ جوسپارلارى مەن باعدارلامالارىن جاساۋ كەزىندە كوللەدجدەر جالپى ۇلگىلىك وقۋ جوسپارلارى مەن باعدارلامالارىنا بايلانىستى بولاتىن. ەندى ولاردىڭ مازمۇنىن 50%-عا دەيىن وزگەرتۋگە رۇقسات ەتىلدى. سونداي-اق وقۋ جوسپارىنىڭ بولىكتەرى وقۋ مەرزىمىنە بايلانىستى بولاتىن. ال جۇمىس بەرۋشىلەرمەن ءوزارا ءىس-قيمىل كوبىنە رەسمي بولىپ، كاسىبي تاجىريبەلەردى جۇرگىزۋ جانە ولاردىڭ مەملەكەتتىك اتتەستاتسيا كوميسسيالارىنىڭ قۇرامىندا بولۋى قاجەت بولدى.

«وقۋىن اياقتاعان تۇلەكتەردى جۇمىسقا قابىلداعان جۇمىس بەرۋشىلەردىڭ كوللەدجدەرمەن بىرلەسىپ جۇمىسقا قابىلداۋ كەزىندە ولاردىڭ سۇرانىستارىنا سايكەس كەلەتىن ءبىلىم بەرۋ باعدارلامالارى مەن پراكتيكالىق ساباقتاردى ازىرلەۋگە تولىق مۇمكىندىگى بولمادى. ەندى كوللەدجدەرگە بەرىلگەن اكادەميالىق ەركىندىك بۇل جاعدايدى تۇبەگەيلى وزگەرتەدى. ال ستۋدەنتتەردىڭ العان بىلىمدەرى تاجىريبە جۇزىندە قولدانىلا باستايدى»، دەپ جازدى ۆەدومستۆو باسشىسى.

مينيستر ناقتىلاعانداي، جاڭا ەرەجەلەر بويىنشا جۇمىس بەرۋشىلەر ءبىلىم بەرۋ باعدارلامالارىن ازىرلەۋگە جانە ساراپتاۋعا تىكەلەي قاتىسادى. ياعني كوللەدجدەر وقۋ جوسپارلارى مەن باعدارلامالارىن جالپى بەكىتىلگەن ستاندارت بويىنشا ەمەس، ەڭبەك نارىعىنىڭ، كاسىپتىك ستاندارتتىڭ، وڭىرلىك ەرەكشەلىكتەردىڭ جانە ت.ب. سۇرانىستارىنا قاراي ازىرلەي الادى.

«ەكىنشىدەن، كوللەدجدەرگە وقۋ مەرزىمىن انىقتاۋ قۇقىعى بەرىلدى. ەگەر بۇرىن وقۋ مەرزىمى ەكى جىلدان ءتورت جىلعا دەيىن وزگەرىپ، ناقتى بەكىتىلسە، ەندى ول ماماندىقتىڭ ەرەكشەلىگىنە جانە وقۋ ناتيجەلەرىنە بايلانىستى بولادى. ناتيجەسىندە ءبىز كوللەدجدەردە ستۋدەنتكە باعىتتالعان ورتالىق قاعيداسىن قامتاماسىز ەتەمىز. سونداي-اق ستۋدەنتتەردىڭ ماماندىقتى تاڭداۋ مۇمكىندىگى كەڭەيىپ كەلەدى. ءبىز ستەيكحولدەرلەردىڭ (مۇددەلى تاراپ) وزدەرىن تارتا وتىرىپ، ءبىلىم بەرۋ باعدارلامالارىن ازىرلەۋ ولاردىڭ كوللەدجدەردەگى ءبىلىم ساپاسىنا كوزقاراسىن جاقسارتا تۇسەدى دەپ ەسەپتەيمىز»، دەپ جازدى اسحات ايماعامبەتوۆ.

بۇل رەتتە، مينيستر كوللەدجدەردىڭ ءبىلىم بەرۋ باعدارلامالارىن جۇمىس بەرۋشىلەرمەن بىرلەسىپ ازىرلەۋ الگوريتمى قانداي بولاتىنىن ءتۇسىندىردى.

«ول ماماندىقتار بويىنشا قاجەتتى قۇزىرەتتەردى انىقتاۋدى، كاسىپتىك ستاندارتتاردىڭ تالاپتارىنا جانە جۇمىس بەرۋشىلەردىڭ ۇمىتىنە سايكەس كەلەتىن وقىتۋ ناتيجەلەرىن انىقتاۋدى، قۇزىرەتتەردىڭ ءوزارا بايلانىسىن، باعالاۋ ادىستەرى مەن ولشەمدەرىن انىقتاۋدى، ءبىلىم الۋشىلاردىڭ قاجەتتىلىكتەرىن زەرتتەۋدى، ءبىلىم بەرۋ باعدارلاماسىن تولىققاندى ىسكە اسىرۋ ءۇشىن رەسۋرستاردى ايقىنداۋدى قامتيدى. ازiرلەنگەن بiلiم بەرۋ باعدارلامالارى ساراپتامادان ءوتىپ، ودان كەيىن بارلىعىنا قولجەتىمدى بiلiم بەرۋ باعدارلامالارىنىڭ ەلەكتروندى تiزiلiمiنە ەنگiزىلەدى»، دەپ تۇيىندەدى وقۋ-اعارتۋ ءمينيسترى.

سوڭعى جاڭالىقتار

اۆتوجول قۇرىلىسىنىڭ قارقىنى

ايماقتار • بۇگىن، 08:46

ينۆەستيتسيالىق تابىس

ەكونوميكا • بۇگىن، 08:44

جەلىگە «جەلىمدەلگەندەر»

ەكونوميكا • بۇگىن، 08:35

قوردىڭ قوماقتى قولداۋى

ەكونوميكا • كەشە

وتەماقىعا ءوتىنىش بەر

ەكونوميكا • كەشە

وتباسىندا – 36 بالا

قوعام • كەشە

سۋ باسۋدىڭ قاۋىپ-قاتەرى

ايماقتار • كەشە

تۇماۋدان ساق بولىڭىز!

مەديتسينا • كەشە

كۇرە جولداعى اپات

ايماقتار • كەشە

سەنى وسىلاي سۇيەمىن

ادەبيەت • كەشە

اعاش ادام

ادەبيەت • كەشە

اسىلدىڭ سىنىعى

ايماقتار • كەشە

ۇقساس جاڭالىقتار