«مەملەكەت باسشىسى قاسىم-جومارت توقاەۆ پرەزيدەنت اكىمشىلىگى باسشىسىنىڭ ءبىرىنشى ورىنباسارى تيمۋر سۇلەيمەنوۆتىڭ جەتەكشىلىگىمەن ورتالىق جانە جەرگىلىكتى اتقارۋشى ورگانداردىڭ قىسقى جىلىتۋ ماۋسىمىنا دايىندىعىن تەكسەرۋ ءۇشىن كوميسسيا قۇرۋدى تاپسىردى», دەلىنگەن حابارلامادا.
كوميسسيا قۇرامىنا باس پروكۋراتۋرانىڭ, جوعارى اۋديتورلىق پالاتانىڭ, سىبايلاس جەمقورلىققا قارسى ءىس-قيمىل اگەنتتىگىنىڭ جانە باسقا دا ۋاكىلەتتى مەملەكەتتىك ورگانداردىڭ وكىلدەرى كىرەدى.
قاسىم-جومارت توقاەۆ جۇمىستى ون كۇن ىشىندە ناقتى قورىتىندىلارمەن جانە ۇسىنىستارمەن اياقتاۋدى تاپسىردى.
