قاپىسىز حالىق قالاۋى

«حالىقتىڭ سەنىمىن اقتاۋىمىز كەرەك، سوندىقتان ءبارىمىز جۇمىسقا كىرىسۋىمىز قاجەت»، دەدى. پرەزيدەنتتىڭ ء«بارىمىز» دەگەن ءسوزىنىڭ سالماعى بار، مىقتى مەملەكەت ورناتۋ ءۇشىن ءبىر پرە­زي­دەنت قانا ەمەس، ارقايسىسىمىز دا ءوز ۇلەسىمىزدى قوسىپ، الدىمىزداعى جۇمىسىمىزدى ءادىل اتقارۋىمىز كەرەك. قازىر ۇلكەن رەفورمالاردىڭ باسى باستالىپ جاتىر، ەگەر ادالدىق پەن ادىلدىك بولماسا، ەشقانداي رەفورمانىڭ ناتيجەسى بولماسى انىق.

قازاقستان حالقى بۇل كۇنى ۇلكەن جاۋاپ­كەرشىلىك تانىتتى. ال پرەزيدەنتتى ۇلىقتاۋ ءراسىمى جاڭا ساياسي داۋىرگە جول اشتى دەسەك تە ارتىق ايتپايمىز. بۇعان دەيىن مەملەكەتتىك باسقارۋعا، كادر ساياساتىنا، شەشىم قابىلداۋ جۇيەسىنە جانە ولاردى ورىنداۋ جاۋاپكەرشىلىگىنە دەگەن كوزقاراستى وزگەرتۋ تۋرالى باستامالار كوتەرىلگەنى ەسىمىزدە. بولاشاقتا باستى بيلىك ينستيتۋتتارىنىڭ تۇگەل جاڭعىرتىلاتىنىن مەملەكەت باسشىسى بۇل جولى تاعى دا اتاپ ءوتتى.

مەن الداعى جەتى جىلدان نە كۇتە­مىن؟

ەڭ باستىسى، ەل تىنىشتىعى. ەل ىرگەسى ءبۇتىن، حالقىمىز ءبىر جاعادان باس، ءبىر جەڭنەن قول شىعاراتىن بولسا، ەلى­مىز ۇلكەن جەتىستىكتەرگە جەتەدى. پرە­زي­دەنتى­مىزدىڭ تىڭ وزگەرىستەرگە بەل شەشە كىرىس­كەندىگى سەنىم ۇيالاتادى. بۇل – وتانعا دەگەن سۇيىسپەنشىلىكتىڭ شىنايى كورىنىسى.

ەندىگى ماقسات – ەل ەكونوميكاسىن دامىتۋ، حالىقتىڭ ءال-اۋقاتىن جاق­سارتىپ، مەملەكەتتى الدىڭعى قاتار­لىلاردىڭ ءبىرى ەتەتىن تەتىكتەردى جۇيەلى جۇرگىزۋ. تسيفرلىق تەحنولوگيالار­دان ەلىمىز العا وزعانىن كوپتەگەن شەتە­لدىك ەكسپەرتتەر دە ايتىپ ءجۇر. تسيفر­لىق تەحنولوگيالارعا نەگىزدەلگەن ەكونوميكا قۇرۋ جاي قاجەتتىلىك ەمەس، نەگىزگى ماقساتىمىز ەكەنىن قاسىم-جومارت كەمەل ۇلى جولداۋىندا دا اتاپ وتكەن بولاتىن. جاڭا قازاقستان ەكونوميكاسى حالىقتىڭ ءال-اۋقاتىن ارتتىرۋعا باعىتتالعان. ۇلتتىق تابىستىڭ وسىمىنەن تۇسەتىن يگىلىكتەردى ءادىل ءبولۋ، ءتيىمدى الەۋمەتتىك «ليفتىلەردى» ورنىقتىرۋ جونىندەگى قوعامنىڭ وتكىر تالابى باستى ماقساتتاردىڭ ءبىرى بولىپ وتىر.

ەلىمىزدىڭ جاڭا ەكونوميكالىق باع­دارى باستى جەتى قاعيداتقا نەگىزدەل­گەن. ولار: يگىلىكتەر مەن مىندەتتەردىڭ ءادىل ءبولىنىسى، جەكە كاسىپكەرلىكتىڭ جەتەكشى ءرولى، ءادىل باسەكەلەستىك، كاسىپكەرلەردىڭ جاڭا بۋىنى ءۇشىن نارىق اشۋ، ونىمدىلىكتى كوبەيتۋ، ەكونوميكانىڭ اۋقىمدىلىعىن جانە تەحنولوگيالىق سيپاتىن ارتتىرۋ، ادام كاپيتالىن دامىتۋ، جاڭا ۇلگىدەگى ءبىلىم سالاسىنا ينۆەستيتسيا تارتۋ، «جاسىل» ەكونوميكانى دامىتۋ، قورشاعان ورتانى قورعاۋ، مەملەكەت تاراپىنان دايەكتى شەشىمدەر قابىلداۋ جانە سول ءۇشىن قوعام الدىندا جاۋاپتى بولۋ.

بۇل رەتتە ءبىزدىڭ باسەكەگە قابىلەتتىگى­مىزدى كورسەتەتىن ارتىقشىلىعىمىز جانە ناقتى سۇيەنەتىن مۇمكىندىكتەرىمىز جەتكىلىكتى. پرەزيدەنتتىڭ ءوزى: «اۋىل شارۋاشىلىعىن دامىتپاي، باسەكەگە قابىلەتتى ەكونوميكا قۇرۋ مۇمكىن ەمەس» دەپ اتاپ وتكەن ەدى. راسىندا دا، اۋىل شارۋاشىلىعى مەن جەكە كاسىپكەرلىك – بۇگىنگى تاڭدا ەل ەكونوميكاسىن دامىتۋدىڭ باستى تەتىكتەرىنىڭ ءبىرى.

ۇلتتىڭ ساۋلىعى – كەلەشەك ۇرپاق­تىڭ ساۋلىعى. سوندىقتان كوپ نارسە ەلىمىزدەگى مەديتسينالىق ينفراقۇ­رىلىمدى دامى­تۋعا بايلانىستى ەكەنى راس. قازىر مەملەكەت ەسەبىنەن كوپتەگەن اۋرۋحانا مەن ەمحانا، كوپسالالى مەدي­تسينالىق ورتالىق قۇرىلىسى ءجۇرىپ، ەندىگى پايدالانۋعا بەرىلىپ تە جاتىر. 2025 جىلعا قاراي دەنساۋلىق ساقتاۋ سالاسىنا ارنالعان 20 زاماناۋي كوپسالالى نىسان پايدالانۋعا بەرىلەتىنى دە ايتىلۋدا. قازىرگى كەزدە العاشقى دارىگەرلىك كومەكتى ۇيىمداستىرۋ تاسىلدەرى تۇبەگەيلى قايتا قاراستىرىلىپ جاتقانىن بىلەمىز. دارىگەرلىك قىزمەت قالىڭ جۇرتشىلىققا، اسىرەسە الىستاعى اۋىل تۇرعىندارىنا قولجەتىمدى بولۋى جولعا قويىلىپ جاتقانى قۋانتادى.

ەلىمىزدىڭ دامۋىنا، الەمگە تانىلۋىنا سپورت پەن مادەنيەتتىڭ ىقپالى ۇلكەن ەكەنى ەجەلدەن بەلگىلى. قازىر ەلىمىزدە مادەنيەت، تۋريزم، سپورت جانە ءتىل ساياساتى وڭ جولعا قويىلىپ، وسى سالالارداعى جوبالارعا ەرەكشە كوڭىل ءبولىنىپ وتىر. ەل باسشىسى قاسىم-جومارت توقاەۆ مادەنيەت جانە سپورت قايراتكەرلەرىنىڭ الەۋمەتتىك تۇرمىس جاعدايىن جاقسارتۋ، جەرگىلىكتى اتقارۋشى ورگاندارمەن جانە بيزنەس-قۇرىلىمدارمەن ءوزارا ىقپالداستىقتى نىعايتۋ بويىنشا جۇمىستاردى جانداندىرۋ قاجەتتىگىن ۇنەمى ايتىپ ءجۇر. قازىر ەلىمىزدە جاڭا ساياسي مادەنيەت قالىپتاستىرىلىپ جاتىر. ارينە، قوعامدا ءتۇرلى كوزقاراس بار، دەگەنمەن، ۇلت – ءبىرتۇتاس. ءار الۋان پىكىر­لەردى قۇرمەتتەي وتىرىپ، ديالوگ جۇرگىزۋ – قازىرگى مەملەكەتتىك ساياساتتىڭ باس­تى ۇستانىمى ەكەنىن كورىپ وتىرمىز. مۇنداي تاسىلمەن كەز كەلگەن ەل ءسوزسىز العا جىلجيدى. پرەزيدەنت مادەني-تاريحي قۇندىلىقتاردى قالىپتاستىرۋ، دامىتۋ مەن ساقتاۋدا ماڭىزدى ءرول اتقاراتىن مادەنيەت جانە ونەر قىزمەتكەرلەرىنىڭ دە الەۋمەتتىك جاعدايلارىن نازاردان تىس قالدىرماۋعا تاپسىرما بەرگەن بولاتىن.

ەڭ باستىسى، حالقىمىز ءوز پرەزي­دەنتىنە تاڭداۋ جاسادى. ەندىگى جەردە، مەملەكەت باسشىسى ايتقانداي، تەك بەل شەشە جۇمىسقا كىرىسۋ قالدى. ال­داعى جەتى جىلدا ەل باسشىسى قاسىم-جومارت توقاەۆپەن بىرگە ەلىمىز ۇلكەن جەتىس­تىكتەرگە جەتەتىندىگىنە كامىل سەنەمىن.

ءسات توقپاقباەۆ،

زاپاستاعى گەنەرال-پولكوۆنيك