سپورت • 30 قاراشا، 2022

ەۋروپادان جەڭىسپەن ورالدى

67 رەت كورسەتىلدى

شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان مەن قالالىق دەنەشىنىقتىرۋ جانە سپورت باسقارماسىنىڭ باسشىسى باۋىرجان تۇمانباەۆ، سونداي-اق سپورت مەكتەبىنىڭ باسشىلارى يسپانيانىڭ لا-نۋسيا قالاسىندا بوكستان وتكەن جاستار اراسىنداعى الەم چەمپيوناتىنان جەڭىمپاز بوپ ورالعان ەلينا بازاروۆا مەن ەستەتيكالىق توپتىق گيمناستيكادان گراتستاعى (اۋستريا) الەم چەمپيوناتىنان 3-ورىن يەلەنىپ قايتقان «كارمەليتى» كومانداسىنىڭ مۇشەلەرىن اۋەجايدان سالتاناتپەن كۇتىپ الدى.

ۇلتتىق قۇراما ساپىندا ونەر كور­سەتەتىن شىمكەنتتىك ارۋ، بىلعارى قولعاپ شەبەرى ە.بازاروۆا 54 كيلو سال­ماقتا جاسوسپىرىمدەر اراسىندا بوكستان الەم چەمپيونى اتاندى.

جەرلەستەرىن جەلپىنتكەن جەڭىم­پازداردى شىمكەنت جۇرتشىلىعى جىلى شىرايمەن قارسى الدى.

«سوناۋ يسپانيا تورىنەن، الىس­تاعى اۋستريا جەرىنەن ەلىمىزدىڭ اتىن شىعارىپ، كوك بايراعىمىزدى جەلبى­رەتىپ قايتقان ارۋ سپورتشىلاردىڭ جەڭىستەرى مەن جۇلدەلەرى بارشا شىم­كەنتتىك جانكۇيەردى ەرەكشە قۋانتىپ وتىر. البەتتە سپورت سالاسىندا جە­تىس­تىككە جەتكەن وسىنداي جاستاردىڭ ىسىنە سۇيسىنەتىن، سولار سەكىلدى بيىككە ۇم­­تىلۋعا، ەلىكتەۋگە تالپىناتىن زا­مان­داستارىنىڭ ورتادان تابىلارى حاق. سوندىقتان بۇل جەڭىستەر الدا كۇتىپ تۇرعان بۇدان دا ۇلكەن سايىستارعا جول اشاتىنىنا سەنەمىز. شىمكەنت قالاسىنىڭ سپورتىن الەمدىك جارىستا ولجا سالۋ ارقىلى ءبىر ساتى جوعارى كوتەرگەن ورەندەرگە العىسىمىز شەك­سىز. كەلەشەكتە ءالى تالاي سپورتتىق باسە­كەلەر بولادى. سول جارىس­تاردا تاعى دا سىزدەردى جۇلدەلى ورىننان كورە­مىز دەگەن ۇمىتتەمىز. شىم­كەنتتىك سپورتشىلاردىڭ الەمدىك سپورت ارەناسىندا جۇلدەسىز قايتپاۋى مە­گاپوليس­تە بۇل سالاعا كوڭىل ءبولىنىپ جاتقانىن بىلدىرەدى جانە الداعى ۋاقىتتا دا بۇقارالىق جانە كاسىبي سپورتقا جاسوسپىرىمدەر مەن جاستاردى باۋلۋ ءىسى قارقىنىن كۇشەيتپەسە، كەمىتپەيدى. جاس ورەندەردى سپورتقا تارتۋ، ەلىمىزدىڭ اتىن شىعارار ءتۇرلى جا­رىستارعا دايىنداۋ ماسەلەسى ءار­دايىم باستى نازاردا تۇرادى»، دەدى قۇت­تىقتاۋمەن بىرگە اقجارما تىلەگىن قوسا جەتكىزگەن قالا اكىمىنىڭ ءبىرىنشى ورىنباسارى ش.مۇقان.

ايتا كەتۋ كەرەك، ە.بازاروۆا الەم چەمپيوناتىندا ءتورت كەزدەسۋ وتكىز­گەن. سونىڭ بارىندە دە قارسى­­لاس­تارىن ايقىن باسىمدىقپەن جەڭىپ شىقتى. فينالدىق كەزدەسۋدە گەر­مانيالىق كۋتسوحريستوۋ كري­سو­ۆا­لان­تۋمەن جۇدىرىقتاسىپ، جىگەر مەن شەبەرلىگىنىڭ ارقاسىندا ج­ە­ڭىسكە جەتتى. وسىلايشا، باپكەرى مەن جانكۇيەرلەرىنىڭ ءۇمىتى اقتالدى. ال جالپى وسى دودادا قازاق ەلى­نەن بار­عان بوكسشىلارىمىز 7 مەدالدى قان­جىعالارىنا بايلاپ، جال­پىكو­ماندالىق ەسەپتە ءۇشىنشى ورىندى الىپ قايتتى.

ءوز كەزەگىندە ەستەتيكالىق توپتىق گيمناستيكادان الەم چەمپيوناتى دا وتە تارتىستى ءوتتى. باسەكەسى جوعارى سپورتتا قازاقستان قۇراماسى ساپىندا ەلينا كان، سايدا پاتشاحان، ايدا جاقسىبەك، ءسانيا تۇردىباي، سابينا ەلۋباەۆا سەكىلدى ورەندەر سايىسقا ءتۇسىپ، جۇلدەلى ورىن ءۇشىن تالاستا ناتيجە شىعارا ءبىلدى.

 

شىمكەنت

سوڭعى جاڭالىقتار

دەپوزيت تە، كرەديت تە ءوستى

ەكونوميكا • بۇگىن، 08:57

ماسكۇنەمدىك ۇلتتى ازدىرادى

قوعام • بۇگىن، 08:55

سۋبسيديالاۋدىڭ جاڭا جۇيەسى

ەكونوميكا • بۇگىن، 08:53

مەديتسينا اكادەميگى

مەديتسينا • بۇگىن، 08:50

جاساندى ينتەللەكت R&D-زەرتحاناسى

تەحنولوگيا • بۇگىن، 08:45

«اكەم كەلەدى»

ونەر • بۇگىن، 08:35

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

ۇقساس جاڭالىقتار