ءۇيلى بولعان ۇلەسكەر كوپ

ارينە، كەز كەلگەن تۇيتكىلدى شەشۋ ءۇشىن ماسەلەنىڭ بايىبىنا بارىپ، دۇرىس شەشىم قابىلداۋ ماڭىزدى. بۇل رەتتە قۇرىلىسى توقتاپ تۇرعان نىساندارعا قا­تىس­تى ساۋالداردى تالداۋ اكىم­­­دىك جانىنان قۇرىلعان ۇلەس­تىك قۇرىلىس ماسەلەلەرى جو­نىندەگى ۆەدومستۆوارالىق كوميس­سيانىڭ قۇ­زىرىندا ەكەنىن ايتا كەتكەن ءلازىم. ياعني ساقالدى قۇ­رى­­­­­لىستاردى زەردەلەپ، سونىڭ ىشىندە شەشىمى كۇردەلى قۇرىلىس نى­­ساندارىن قارجىلاندىرۋدى كو­­ميسسيا ناقتىلايدى.

«ەلوردا قۇرىلىس كومپانيا­سى» سەرىكتەستىگى ىسكە كىرىسكەن تۇستا ەڭ اۋەلى ۇلەسكەرلەرى ەڭ كوپ «شىعىس» جانە «جاعالاۋ» تۇرعىن ءۇي كەشەندەرىندە قۇ­رىلىس-مونتاجداۋ جۇمىس­تارى قايتا جانداندى. 2019 جىلى ەلورداداعى پروبلەمالىق قۇ­رى­لىس نىساندارىنىڭ قاتا­رىندا 150-دەن اسا ءۇي بولعان (16 مىڭعا جۋىق ۇلەسكەر). سول جىلى 10 نىساندا 13 ءۇيدىڭ قۇ­رىلىسى اياقتالىپ، 2،5 مىڭ­نان اسا ۇلەسكەر كوپتەن كۇت­كەن پاتەرىن العان. ال 2020 جىلدىڭ قورىتىندىسى بويىنشا 14 نىسانداعى 20 ءۇيدىڭ قۇرىلىسى اياقتالىپ، 3 مىڭعا جۋىق ۇلەسكەردىڭ ماسەلەسى شە­شىلگەن. ول ول ما، بىلتىر 57 ءۇيدىڭ ۇلەسكەرلەرى قونىس تويىن تويلاعان. ناقتىراق ايتساق، 7 مىڭنان اسا وتباسى كوپتەن كۇتكەن پاتەرىن العان. وسى باعىتتاعى وڭ جۇمىستار بيىل دا ۇزىلمەدى. قازىر ەلوردادا مەرزىمى كەشەۋىلدەگەن 30 ءۇيدىڭ قۇرىلىسى اياقتالۋعا جاقىن. ەندى كوپ ۇزاماي سول ۇيلەر پاي­دا­لانۋعا بەرىلسە، وندا تاعى 2 مىڭ ۇلەسكەر پاتەر كىلتىن الادى. «ەلوردا قۇرىلىس كومپانيا­سى» جشس ءباسپاسوز قىزمەتىنىڭ اقپاراتىنا سۇيەنسەك، 2023-2024 جىلدارى تاعى 30 ءۇيدىڭ قۇرىلىسىنا قاتىستى شارۋالار رەتتەلسە، 2 مىڭ ۇلەسكەردىڭ ماسەلەسى شەشىلەدى.

اتالعان كومپانيا جەرگىلىكتى اكىمدىكپەن بىرلەسىپ قۇرىلىسقا سالىنعان مەملەكەت قارجىسىن قايتارۋدا دا ماڭىزدى ءرول ات­قا­رۋ­دا. ايتا كەتۋ كەرەك، ۋاكى­لەتتى ۇيىم ۇلەسكەرلەردىڭ ماسە­لەسىن شەشۋمەن شەكتەلمەي، ەلوردا حالقىنىڭ الەۋمەتتىك وسال توپتارىن تۇرعىن ۇيمەن قامتاماسىز ەتۋگە كومەكتەسىپ جاتىر.

وسىعان دەيىن استانا قالاسى­نىڭ اكىمى التاي كولگىنوۆ قا­لالىق ءماسليحاتتىڭ كەزەكتەن تىس سەسسياسىندا قۇرىلىسى كە­شەۋىل­دەگەن نىسانداردىڭ قاشان پاي­دالانۋعا بەرىلەتىنىن ايتقان ەدى.

ء«بىزدىڭ الدىمىزدا 16 مىڭ ۇلەسكەر وتباسىنىڭ ماسەلەسىن شەشۋ مىندەتى تۇردى. بۇل – جاي عانا ساندار ەمەس، ۇزاق جىلدار بويى جالدامالى پاتەر­لەر­دى ارالاپ جۇرگەن ءبىزدىڭ تۇر­عىن­داردىڭ تاعدىرى. ولار بۇ­رىندا-اق ءوز ۇيلەرىنە كىرۋگە ءتيىس بولعان. بيىل قۇرىلىسى ۇزاققا سوزىلعان تاعى 30 كوپپاتەرلى تۇرعىن ءۇيدى سالىپ ءبىتىرۋدى جوس­پارلاپ وتىرمىز. ۇزاققا سو­زىل­عان قۇرىلىستارداعى جۇ­مىس­تىڭ اياقتالۋى – مەملەكەت باسشىسىنىڭ باقىلاۋىندا. جىل سوڭىنا دەيىن اياقتالاتىن «ساقالدى» قۇرىلىس سانى 150-دەن 120-نى قۇرايدى، ۇلەسكەرلەر سانى 15 مىڭ وتباسىدان 2 مىڭ وتباسىعا دەيىن قىسقارادى. سوعان قاراماستان، تاعى 30 «سا­قال­دى» قۇرىلىس قالىپ وتىر. ولاردىڭ قۇرىلىسىن اياقتاۋ بويىنشا ناقتى جوسپارلانعان مەرزىم بار»، دەيدى ا.كولگىنوۆ.

قاراپ وتىرساق، بىرەر جىلدىڭ ىشىندە استانا قالاسىندا «ساقال­دى» قۇرىلىستاردىڭ سانى ەسەلەپ ازايعان. ۇلەسكەرلەردىڭ ماسەلەسى دە كەزەڭ-كەزەڭىمەن شەشىلۋدە. مىسالى، 70 جاستان اسقان قاريا يسلام قابدول ۇلى جىلدار بويى كۇتكەن پاتەرىنە قول جەتكىزگەنىنە ءدان ريزا.

«2014 جىلى ءساۋىر ايىندا «شاڭىراق» تۇرعىن ءۇي كەشەنىنىڭ باسشىسىمەن كەزدەسكەنىمىزدە ءۇي جارتى جىلدا سوعىلىپ، پاي­دالانۋعا بەرىلەدى دەپ ۋادە بەرگەن ەدى. سودان نە كەرەك، 2 بول­مە­لى ۇيگە 10 ملن تەڭگە اقشا اۋدا­رىپ، كۇتتىك. كۇزگە جەتتىك. ءۇي جوق. كومپانيا بانكروت بولىپ، ءبىز سىرت قالدىق. كەيىن «العا سامال» دەگەن تۇرعىن ءۇي قۇرىلىس كووپەراتيۆىن اشتىق. سودان كەيىن ۇكىمەت اقشا ءبولىپ، «ەلوردا قۇ­رى­لىس» كومپانياسىنىڭ كو­مە­گىمەن نۇرعيسا تىلەنديەۆ كو­شەسىندەگى ءۇيدى بىلتىر قارا­شا­دا الدىق. بۇل ۇيگە كەل­گەنىمىزگە دە جىل­عا جۋىقتادى. قازىر كوڭى­لى­مىز جايلى. بىراق سەگىز جىلداي جالدامالى پاتەردە تۇرىپ سەن­دەلدىك. تاۋبە دەيمىز. تۇرعىن ءۇي ماسەلەسىن شەشۋدە جەردە قالدىرماي جاردەمدەسكەن ۇكى­مەت­كە، جەرگىلىكتى اكىمدىك پەن «ەلوردا قۇرىلىس كومپانياسىنا» العىس زور»، دەيدى قاريا.

استانا قالاسىندا يسلام قابدول ۇلى سەكىلدى ۇيىنە جەتە الماي جۇرگەن ۇلەسكەرلەردىڭ ازايعانىن جوعارىدا كەلتىرگەن ستاتيستيكالاردان بىلە بەرسەك بولادى. ەندەشە، جەرگىلىكتى اكىمدىك پەن استانا قۇرىلىس كومپانياسى قولعا العان جوبالار جەمىستى بولسىن دەمەكپىز.