قوعام • 30 قاراشا، 2022

تاربيەگە جەڭىل قاراۋ جاراسپاس

الماتى قالاسى جاستار ساياساتى باسقارماسىنىڭ «Ashyq Alan» جوباسى اياسىندا «Social project mاnاgement ورتالىعى» قوعامدىق قورىنىڭ ۇيىمداستىرۋىمەن دەۆيانتتى مىنەز-ق ۇلىقتى جاستارمەن جۇمىس جۇرگىزۋ باعىتىندا بىرنەشە سەمينار-ترەنينگ ءوتتى.

ارمان وكتيابر

دەۆيانتتى مىنەز-ق ۇلىق – جالپىعا ورتاق مويىندالعان قۇقىقتىق نورمالاردان، ادەپتەردەن اۋىتقۋ. كوپتەگەن زەرتتەۋشى عالىمداردىڭ تۇجىرىمداماسىنا جۇگىنسەك، جاستاردىڭ اتا-انا مەن ۇستازدارعا قىر كورسەتۋى، ۇلكەندەردىڭ ءتىلىن الماۋى، جاعىمسىز جاندارعا ەلىكتەۋى، تەمەكى مەن ىشكىلىككە ءۇيىر بولۋى دەۆيانتتى مىنەز-ق ۇلىقتىڭ العاشقى بەلگىلەرى بولىپ سانالادى. مۇنداي مىنەز-ق ۇلىق باسقا الەۋمەتتىك توپتارعا قاراعاندا جاستار اراسىندا كوپ كەزدەسەدى. ال ونىڭ تۇپكى پايدا بولۋ سەبەپتەرى الەۋمەتتىك تەڭسىزدىكتە، اتا-انالاردىڭ بالالارىنا دۇرىس كوڭىل بولمەۋىندە، بوس ۋاقىتتىڭ پايداسىز، زياندى نارسەلەرگە جۇمسالۋىندا جاتىر. دەسەك تە جاستار اراسىنداعى دەۆيانتتى مىنەز-ق ۇلىقتىڭ الدىن الۋعا بولادى. وسى ماقساتتا ەل جاستارىنىڭ ەڭ كوپ بولىگى شوعىرلانعان الماتىدا جاستاردىڭ باسىن قوسىپ كوپتەگەن ترەنينگ ۇيىمداستىرىلىپ جاتىر.

«جاستاردىڭ بويىنداعى دەۆيانتتى مىنەز-ق ۇلىقپەن كۇرەسۋدىڭ ەڭ ءتيىمدى جولى – ولاردىڭ جۇرەگىنە وزىنە دەگەن سەنىمدى ۇيالاتۋ. كەز كەلگەن ادام تابيعاتتىڭ مۇشەسى، مەملەكەتتىڭ ازاماتى. جاستار ءوزىن قوعامدىق ورتاعا كەرەكتى ساناعاندا بويىندا سەنىم ويانىپ، بارشاعا پايدالى ىسپەن اينالىسۋعا تىرىسادى. التىن ۋاقىتتارىن بوس وتكىزىپ، دەنساۋلىقتارىنا زياندى ىسپەن اينالىسۋدىڭ الدىن الۋ ماقساتىندا جاستار اراسىندا ۇگىت-ناسيحات شارالارى ءجيى جاسالىپ جاتىر»، دەيدى جوبا جەتەكشىلەرى.

قوعامدا ءبىلىم الىپ، ەڭبەككە ارالاسىپ، ءوز جولىن قالىپتاستىرىپ جاتقان ادامدار كوپ. دەگەنمەن، كەيبىر جاستار ءوز ومىرىنە جاۋاپكەرشىلىك الۋدان قاشادى. جوبانىڭ نەگىزگى ماقساتى – جاستار مەن جاسوسپىرىمدەردى جاۋاپكەرشىلىككە تاربيەلەپ، ەڭبەك نارىعىنا ەركىن ارالاسۋعا باۋلۋ جانە قوعامدا ءوز ورنى بار ازامات قالىپتاستىرۋ. ءىس-شارانى ۇيىمداستىرۋشىلار مەن سەمينار جۇرگىزۋشىلەرى جاستارمەن تىعىز بايلانىس ورناتىپ، ولارعا دۇرىس جول سىلتەدى. قازىردەن باستاپ كىم بولعىسى كەلەتىندەرىن شەشىپ، سول باعىتتا ەڭبەكتەنۋ كەرەكتىگىن ءتۇسىندىردى. «ەل بولام دەسەڭ، بەسىگىڭدى تۇزە» دەگەن ءسوز بار. ەل ەرتەڭى جاستارعا باعىت-باعدار بەرەتىن وسىنداي شارالاردى ءجيى ۇيىمداستىرۋدىڭ ماڭىزى زور.

الماتى