ينجەنەرلىك اكادەميانىڭ يگى باستاماسى

القالى جيىنعا قاتىسۋشىلار مەم­لەكەت باسشىسى قاسىم-جومارت توقاەۆ­تىڭ وتاندىق عىلىمدى دامىتۋ جانە ونىڭ وندىرىسپەن بايلانىسىن نىعايتۋ تۋرالى نۇسقاۋلارىن باسشىلىققا الا وتىرىپ، بەلگىلەنگەن مىندەتتەردى ىسكە اسىرۋدا عىلىمي-ينجەنەرلىك قوعام­داستىقتىڭ ءرولىن ارتتىرۋعا ەرەكشە نازار اۋداردى.

– تەحنيكالىق عىلىمنىڭ، ينجەنەر­لىك ءىستىڭ دامۋ دەڭگەيى – ادامي كاپيتال­دىڭ، جالپى ەكونوميكانىڭ باسەكەگە قابى­لەتتىلىگىنىڭ باستى كورسەتكىشىنىڭ ءبىرى. بۇگىنگى تاڭدا ەلدىڭ تۇراقتى دامۋى مەن ەكونوميكالىق قاۋىپسىزدىگى ينجەنەر­لىك قوعامداستىققا تىكەلەي بايلانىستى، – دەپ اتاپ ءوتتى اكادەميك ب.جۇماعۇلوۆ.

جيىنعا قاتىسۋشىلار عىلىم ناتي­جە­لەرىن ءىس جۇزىندە ىسكە اسىرۋدىڭ تۇبە­گەيلى جاڭا دەڭگەيىنە كوشۋدىڭ، ونى وندىرىسپەن، بيزنەسپەن پارمەندى ينتەگ­راتسيالاۋدىڭ، نارىقتىڭ پەرسپەك­تيۆالىق تەحنولوگيالىق تالاپتارىن قاناعاتتاندىرۋدىڭ اسا وتكىر مىندەت­تەرىن تالقىلادى. اتاپ ايتقاندا، ءون­دىرىس­تىڭ عىلىمي-تەحنيكالىق ماسەلە­لەرىن شەشۋ ءۇشىن كونسورتسيۋمداردى دامىتۋ، عارىشتىق زەرتتەۋلەردى ەل ەكونوميكا­سىندا ءتيىمدى پايدالا­نۋ، اۋىل شارۋا­شىلىعىنداعى يننو­­ۆاتسيالىق تەحنولوگيالاردى كوممەرتسيالاندىرۋ تاجىريبەسى تەرەڭ تالداندى. اتوم سالا­سىنىڭ عىلى­مي-تەحنيكالىق الەۋە­تىن دامىتۋ، قازاقستاننىڭ اۆتوجول سالاسىنىڭ پروبلەمالارىن شەشۋ جولدارى تۋرالى ۇسىنىستار تىڭدالدى.

ۇلتتىق ينجەنەرلىك اكادەمياسى باسشىلىعىنا سايلاۋ ءوتىپ، تاۋەلسىز قازاقستاننىڭ ۇزدىك ينجەنەرى (2018)، اكادەميك اماندىق باتالوۆ ءبىرىنشى ۆيتسە-پرەزيدەنت بولىپ سايلاندى. ال ۇلتتىق ينجەنەرلىك اكادەمياسى باتىس قازاقستان فيليالىنىڭ توراعاسى، اكادەميك اقسەرىك ءايتىموۆ ۆيتسە-پرەزيدەنت بولىپ سايلاندى.

ەلىمىزدىڭ جەتەكشى ينجەنەرلەرىنىڭ جينالىسى قازاق ۇلتتىق اگرارلىق زەرتتەۋ ۋنيۆەرسيتەتىنىڭ بازاسىندا وتكىزىلدى. اتالعان ۋنيۆەرسيتەتتىڭ باستى ماقساتى – عىلىم مەن ءوندىرىستى ينتەگراتسيالاۋ، ىرگەلى جانە قولدانبالى عىلىمي زەرتتەۋلەرگە قاتىسۋ ارقىلى جوعارى بىلىكتى كادرلاردى دايارلاۋ.

جالپى جينالىس كورسەتكەندەي، ەلىمىزدىڭ جەتەكشى عالىمدارى مەن ينجەنەرلەرى مەملەكەت باسشىسى قاسىم-جومارت توقاەۆتىڭ جاڭا قازاقستاندى قۇرۋ باعىتىن ءبىراۋىزدان قولدايدى، سونداي-اق ەكونوميكانى دامىتۋعا بار كۇش-جىگەرىن جۇمسايتىن بولادى.