بولاشاققا نىق قادام

الەمدە بولىپ جاتقان ساياسي جانە ەكونومي­كالىق سىلكىنىستەردى ەسكەرە وتىرىپ، ەلىمىزدىڭ ىشكى جاعدايلارىن رەتتەۋ ماڭىزدى. تاڭداۋ جاسالدى، الدا ءبىزدى جارقىن بولاشاق كۇتىپ تۇر دەپ سەنەمىن. ەلىمىزدىڭ الداعى 7 جىلداعى دامۋ باعىتىن حالىق ءوزى ايقىنداپ بەردى. ەندى ءبىزدىڭ الدىمىزدا ادىلەتتى قازاقستان قۇرۋ مىندەتى تۇر. مەملەكەت باسشىسىنا سول ادىلەتتى قوعامدى، ادىلەتتى مەملەكەتتى قۇرۋعا كومەكتەسۋىمىز كەرەك.

جيىندا ايتىلعان تاپسىرمانى ورىنداۋعا ۇكىمەتتەن باستاپ بارلىق دەڭگەيدەگى باسشىلاردىڭ بار كۇش-جىگەرلەرىن جۇمساۋى ماڭىزدى. اۋىلدى وركەندەتۋ تۋرالى ءسوز قوزعالعاندا، اۋىل شارۋا­شىلىعى سالاسىن دامىتۋ ماسەلەسى دە قاتار جۇرەتىنى تۇسىنىكتى. سەبەبى اۋىلداعى اعايىننىڭ نەگىزگى تابىس كوزى – مال شارۋاشىلىعى، ەگىنشىلىك. بۇل رەتتە، اۋىلشارۋاشىلىق ءوندىرىسىن قوسا دامىتۋ باعدارلاماسى بىرگە قابىلدانسا دەگەن وي تۋادى. بۇگىندە شەشىمىن تاپپاعان پروبلەمالار از ەمەس. ولاردىڭ قاتارىندا جايىلىم تاپشىلىعى ماسەلەسىن شەشۋ، جەكە قوسالقى شارۋاشىلىقتار مەن اۋىل شارۋاشىلىعى كووپەراتسياسىن دامىتۋ، ۆەتەريناريا جانە اگروبيوتەحنولوگيا سالالارىن جاقسارتۋ، ازىق-ت ۇلىك تاۋارلارىنىڭ باعاسىن رەتتەۋ سەكىلدى ماسەلەلەر بار. اۋىل شارۋاشىلىعى – ەلىمىز ءۇشىن ستراتەگيالىق ماڭىزى بار سالالاردىڭ ءبىرى. سوندىقتان مەملەكەت باسشىسى وسى باعىتقا ۇنەمى باسا ءمان بەرەدى. تاۋەلسىزدىك العالى بەرى ەلىمىزدە اگرارلىق سالا جان-جاقتى دامىپ كەلەدى. اگروونەركاسىپ كەشەنىن دامىتۋعا ارنالعان اۋقىمدى باعدارلامالار جۇزەگە اسىپ جاتىر. بۇل باعىتتاعى جۇمىستار الداعى ۋاقىت­تا دا جالعاسىن تابۋعا ءتيىس. اۋىلدى قانشا əسپەت­تەپ، جولى، سۋى، ءبىلىمى، مەديتسيناسى، مəدەنيەتىن كوتەر­گەنىمەن، ەگەر اۋىلشارۋاشىلىق ءوندىرىسى وركەندەمەسە، پايدالى جۇمىس ورنى اشىلماسا، اۋىلدا ەشكىم تۇراقتامايدى.

جالپى، پرەزيدەنت باعدارلاماسىندا قوعامنىڭ قامتىلماعان بىردە-ءبىر مəسەلەسى قالمادى. Əدىلەتتى قازاقستان قۇرۋ جولىندا پرەزيدەنتكە بۇكىلحالىقتىق قولداۋ كورسەتۋ – بارشانىڭ مىندەتى دەپ ەسەپتەيمىن.

پرەزيدەنت «حالقىمنىڭ سەنىمى – ماعان امانات»، دەدى. ەندەشە، ءبىز ءۇشىن دە مەملەكەت باسشىسىنىڭ سەنىمى امانات بولىپ، وعان قيانات جاساماۋىمىز كەرەك. قاسىم-جومارت كەمەل ۇلىنىڭ قول قويعان جارلىقتارىن، باستامالارىن بۇلجىتپاي ورىنداپ، ادالدىق تانىتساق، سول – ءبىزدىڭ اماناتىمىز!

نياز ماكراەۆ،

«Amanat» پارتياسى ەكىباستۇز قالالىق فيليالىنىڭ اتقارۋشى حاتشىسى