قوعام • 29 قاراشا، 2022

ءىرى مولشەردە ەسىرتكى ساقتاعان تاراز تۇرعىنى ۇستالدى

58 رەت كورسەتىلدى

تارازدا ەسىرتكىنى اسا ءىرى كولەمدە ساقتاعان جەرگىلىكتى تۇرعىن ۇستالدى. پوليتسيا قىزمەتكەرلەرىنىڭ ايتۋىنشا، كۇدىكتى 7 جىلعا باس بوستاندىعىنان ايىرىلۋى مۇمكىن، دەپ حابارلايدى Egemen.kz Polisia.kz سايتىنا سىلتەمە جاساپ.

جامبىل وبلىسى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى تاراز قالاسىنىڭ 33 جاستاعى تۇرعىنىن ۇستادى. ۇستالعان ادامدى جەكە ءتىنتۋ كەزىندە پوليتسەيلەر ەسىرتكى زاتى - كاننابيس شايىرى بار 44 بايلام تاۋىپ، تاركىلەدى.

ۇستالعان ادامنىڭ تۇرعىلىقتى جەرىن تەكسەرۋ بارىسىندا قىزمەتتىك-ىزدەستىرۋ ءيتىنىڭ كومەگىمەن ەسىرتكى زاتى بار 2 جيىنتىق تابىلدى. تاركىلەنگەن ەسىرتكىنىڭ جالپى سالماعى 628 گرامنان استى. ۇستالعان ادام كىناسىن مويىنداپ، تاراز قالاسىنىڭ ۋاقىتشا ۇستاۋ يزولياتورىنا قامالدى.

اتالعان فاكتى بويىنشا «اسا ءىرى مولشەردە ەسىرتكى قۇرالدارىن زاڭسىز ساقتاۋ» قازاقستان رەسپۋبليكاسى قىلمىستىق كودەكسىنىڭ 296-بابى 4-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلۋدە. اتالعان باپتىڭ سانكتسياسى 3 جىلدان 7 جىلعا دەيىن باس بوستاندىعىنان ايىرۋ جازاسىن كوزدەيدى.

سوڭعى جاڭالىقتار

جسدپ ۇمىتكەرلەرىن انىقتادى

ساياسات • بۇگىن، 00:08

ۇلت ءۇمىتىن اقتاعان

رۋحانيات • كەشە

يكەمدى باعام رەجىمى

قارجى • كەشە

ابە

ادەبيەت • كەشە

Enbek.kz ءبارىن جەڭبەك

قوعام • كەشە

«حات قورجىن»

ەگەمەن قازاقستان • كەشە

ابىگەرگە تۇسىرگەن تولاسسىز جاۋىن

توتەنشە جاعداي • كەشە

باۋكەڭنىڭ كوپ قىرى

ادەبيەت • كەشە

ۇقساس جاڭالىقتار