قوعام • 28 قاراشا، 2022

سەنات دەپۋتاتتارىنىڭ سايلاۋى قالاي وتەدى؟

334 رەت كورسەتىلدى

ورتالىق سايلاۋ كوميسسياسى پارلامەنت سەناتى دەپۋتاتتارىن سايلاۋدىڭ قالاي جانە قاشان وتەتىنىن ايتتى، دەپ حابارلايدى Egemen.kz.

كانديداتتاردى ۇسىنۋ 29 قاراشادا باستالىپ، 14 جەلتوقساندا جەرگىلىكتى ۋاقىت بويىنشا ساعات 18:00-دە اياقتالادى. ناۋقان 16 كۇنگە سوزىلادى.

ۇمىتكەرلەردى تىركەۋ 26 كۇنگە، ياعني 29 قاراشا مەن 24 جەلتوقسان ارالىعىندا ساعات 18:00-گە دەيىن جالعاسادى.

سايلاۋ ناۋقانى 24 جەلتوقسان مەن 13 قاڭتار ارالىعىندا ساعات 00:00-گە دەيىن جالعاسادى.

13 قاڭتار - تىنىشتىق كۇنى بولىپ بەلگىلەندى. 14 قاڭتار داۋىس بەرۋ كۇنى. 20 قاڭتارعا دەيىن وسك سايلاۋ ناتيجەلەرىن جاريالايدى.

«سەنات دەپۋتاتتىعىنا كانديداتتاردى ۇسىنۋ ەكى جولمەن جۇزەگە اسىرىلادى. ءبىرىنشىسى وبلىستىق، رەسپۋبليكالىق ماڭىزى بار قالالاردىڭ جانە استانانىڭ، اۋداندىق ءماسليحاتتاردىڭ سەسسيالارىندا ساياسي پارتيالار جانە وزگە دە قوعامدىق بىرلەستىكتەر ءماسليحاتتاردىڭ وكىلدەرى ارقىلى پارلامەنت سەناتىنىڭ دەپۋتاتتىعىنا كانديداتۋرالار ۇسىنادى. بۇل رەتتە بىرنەشە ءماسليحاتتان ءبىر كانديدات ۇسىنىلۋى مۇمكىن;
ەكىنشى جولى كانديدات ءوزىن-ءوزى ۇسىنادى.

تاڭداۋشىلاردىڭ قولداۋى قول جيناۋمەن كۋالاندىرىلادى، سونداي-اق ءاربىر تاڭداۋشى سەنات دەپۋتاتتىعىنا ءبىر عانا كانديداتتى قولداپ ءوز قولىن قويۋعا قۇقىلى»، دەدى وسك مۇشەسى كونستانتين پەتروۆ.

كانديدات تiركەلگەننەن كەيiن قويىلعان قول سوت شەشiمi نەگiزiندە عانا قايتارىپ الىنادى. تاڭداۋشىلاردىڭ تىزىمدەرىنە وبلىستىڭ، رەسپۋبليكالىق ماڭىزى بار قالانىڭ اۋماعىندا ورنالاسقان ءماسليحاتتاردىڭ بارلىق دەپۋتاتتارى ەنگىزىلەدى.

سەنات دەپۋتاتتىعىنا كانديداتتاردى تىركەۋ مىناداي قۇجاتتاردى قاجەت ەتەدى:

ەگەر كانديداتتى ءماسليحات ۇسىنسا، دەپۋتاتتىققا كانديداتتى ۇسىنۋ تۋرالى ءماسليحاتتىڭ شەشىمى;

كانديداتتى ءماسليحات ۇسىنسا، دەپۋتاتتىققا كانديدات رەتىندە قاتىسۋعا كەلىسىمى تۋرالى ءوتىنىش;

ازاماتتىڭ ءوزىن-ءوزى ۇسىنعان جاعدايدا دەپۋتاتتىققا كانديدات رەتىندە قاتىسۋ نيەتى تۋرالى ءوتىنىشى;

كانديداتتىڭ ومىرباياندىق دەرەكتەرى;

سايلاۋشىلاردىڭ كانديداتتى قولداعان قولدارىن تەكسەرۋ قورىتىندىلارى تۋرالى اۋماقتىق سايلاۋ كوميسسيالارىنىڭ حاتتامالارى;

كانديداتتىڭ جانە ونىڭ جۇبايىنىڭ نەمەسە جۇبايىنىڭ تابىسى مەن مۇلكى تۋرالى دەكلاراتسيانى ۇسىنعانى تۋرالى مەملەكەتتىك كىرىس ورگانىنىڭ انىقتامالارى;

كانديداتتىڭ سايلاۋ جارناسىن تولەگەنىن كۋالاندىراتىن قۇجاتتار. بۇگىندە ول 900 مىڭ تەڭگە.

ەسكە سالا كەتەيىك، مەملەكەت باسشىسى قاسىم-جومارت توقاەۆتىڭ شەشىمىمەن پارلامەنت سەناتى دەپۋتاتتارىنىڭ سايلاۋى 2023 جىلدىڭ 14 قاڭتارىندا وتەدى.

سوڭعى جاڭالىقتار

استانادا «ۆaitursynuly.kz» سايتىنىڭ تۇساۋكەسەرى ءوتتى

احمەت بايتۇرسىن ۇلى • 03 اقپان، 2023

ۇقساس جاڭالىقتار