اۋىل – قازاقتىڭ قازىعى, اۋىل – ىنتىماق پەن ىرىستىڭ ۇياسى. جاسىراتىنى جوق, قازىر اۋىل جاعدايى ءماز ەمەس. زاماناۋي جەتىستىكتەردەن قالىس قالۋى سالدارىنان, وزگە دە الۋان سەبەپتەرگە بايلانىستى اۋىل تۇرعىندارىنىڭ قالاعا قونىس اۋدارۋى جيىلەدى. اۋىلدى دامىتۋ – كەزەك كۇتتىرمەيتىن اسا ماڭىزدى ءىس, ويتكەنى ءبىزدىڭ كۇنكورىسىمىزدىڭ, تىرشىلىگىمىزدىڭ نەگىزگى سالالارىنىڭ ءبىرى اۋىل شارۋاشىلىعىنىڭ, مال شارۋاشىلىعىنىڭ تىرەگى – اۋىلدار.
جۋىردا ماڭعىستاۋ وڭىرىنە ساپارى بارىسىندا پرەزيدەنت ق.توقاەۆ وڭىردە اۋىل شارۋاشىلىعىن دامىتۋدىڭ ماڭىزىنا توقتالىپ, اتالعان سالانى وركەندەتۋ قاجەتتىگىن ايتقان بولاتىن. اۋىل مەن اۋىل شارۋاشىلىعىن دامىتۋ ءوزارا بايلانىستى, ءبىرىن-ءبىرى تولىقتىراتىن ماسەلەلەر. ماڭعىستاۋدا مال شارۋاشىلىعىن دامىتۋدىڭ وزەكتى تۇستارى تۋرالى ءجيى ايتىپ كەلەمىز, اۋىل دامىسا ءبىز ايتىپ جۇرگەن ماسەلەلەرگە ءبىر سەرپىن بولاتىنى انىق.
مەملەكەت باسشىسى ق.توقاەۆتىڭ اۋىلدى دامىتۋ ءۇشىن ارنايى جارلىققا قول قويۋى تاماشا ىستەردىڭ باستاماسى بولادى دەپ سەنەمىز.
كۇزەمباي ەرعاليەۆ,
اۋىل شارۋاشىلىعى سالاسىنىڭ ارداگەرى
ماڭعىستاۋ وبلىسى
