پىكىر • 28 قاراشا، 2022

كوڭىلگە ءۇمىت سىيلاعان جارلىق

58 رەت كورسەتىلدى

مەملەكەت باسشىسى قاسىم-جومارت توقاەۆتىڭ ۇلىقتاۋ راسىمىندە سويلەگەن ءسوزىن باستان-اياق تىڭداپ شىقتىم. قاداۋ-قاداۋ ماسەلەلەر كوتەرىلىپ، الدا اتقارىلاتىن ماڭىزدى مىندەتتەر ايقىندالدى. مەن سونىڭ بىرەۋىنە عانا، بۇگىندە قالاعا تۇراقتاعان كوپ قازاقتىڭ التىن بەسىگى – اۋىلدىڭ تاعدىرىنا قاتىستى ماسەلەگە توقتالايىن.

پرەزيدەنت اۋىلداعى جاعدايدى جاقسارتا الماساق، بارىمىزگە ۇلكەن سىن بولاتىنىن قاداپ ايتىپ، ەڭ الدىمەن اۋىلدى دامىتۋ ماسەلەسى تۋرالى جار­لىققا قول قويدى جانە ۇكىمەتكە اۋىل­دى دامىتۋدىڭ 2023-2027 جىلدارعا ار­نال­عان ناقتى جوسپارىن ازىرلەۋدى تاپسىردى.

اۋىلدى كوركەيتۋ ماقساتىندا بۇعان دەيىن دە كوپ باعدارلاما بولعانىن كوپ­شىلىك كورىپ-ءبىلىپ وتىر. بىراق ناتيجەسى ماردىمسىز. وسى ورايدا، پرەزيدەنتتىڭ الدىمەن اۋىلدىڭ الەۋەتىن كوتەرۋدى ەڭ ءبىرىنشى ماسەلە ەتىپ كوتەرۋى كوڭىلگە ۇلكەن ءۇمىت ۇيالاتتى.

ءبىز – قوستاناي وبلىسىنىڭ ديقاندا­رى پرەزيدەنتتى تولىق قولدايمىز. ويت­كەنى اۋىل شارۋاشىلىعى اۋىلسىز ىلگە­رىل­مەيدى. مەملەكەت باسشىسى ءبىزدى الاڭ­داتقان ماسەلەردى ءدوپ باسىپ ايتتى.

قازاقتىڭ رۋحى، سالت-ءداستۇرى، كاسىبى مەن نەسىبەسى، ءالى دە بولسا، اۋىلدا جا­تىر. سوندىقتان مەملەكەت باسشىسى دۇ­رىس ماسەلە كوتەرىپ وتىر. ەڭ ءبىرىنشى ماسەلە، اۋىلدى جاقسارتۋ ءۇشىن – اۋىلدا تۇراتىن حالىق بولۋ كەرەك. ال حالىقتى اۋىل­عا اپارۋ ءۇشىن ەلدى مەكەندەردىڭ ينفرا­قۇرىلىمىن دۇرىستاۋ قاجەت. سۋ، جول ماسەلەسى بىرتە-بىرتە شەشىلەر، بىراق ەڭ باستىسى، اۋىلعا گاز تارتۋ كەرەك. گازسىز اۋىل دامىمايدى. تالاي اۋىل­دى كوردىك، سۋى بار، جولى بار. سوندا دا، كوگىلدىر وتىنى جوق بولعان سوڭ، حالقى قالاعا قاراي تارتىپ تۇرادى.

تاعى ءبىر ۇلكەن ماسەلە، اۋىلدان شى­عاتىن اۋىلشارۋاشىلىق ونىمدەرى اۋىلدا وڭدەلۋى كەرەك. وڭدەۋ ونەر­كاسىبى دامىعان اۋىلعا ادام دا بارادى، مال دا بىتەدى، جۇمىس تا بولادى.

پرەزيدەنت بۇگىندە حالىقتىڭ 40 پايىزى اۋىلدا تۇراتىنىن اتاپ ءوتتى، بۇل از ەمەس. قالاي ايتساق تا، مال ۇستاپ، ەگىن ەگۋ – ءبىزدىڭ قانىمىزدا بار، سۇيەكسىڭدى اتا كاسىبىمىز. بۇگىن ءبارىمىز قالاعا كوشىپ كەتسەك، ەرتەڭ مىناۋ ۇلكەن-ۇلكەن القاپتارعا كىم يە بولماق؟ اسىرەسە، شەكارا تۇبىندەگى اۋىلداردى دامىتۋ ماڭىزدى. بۇل اۋىلداردا حالىق كوپ بولۋى كەرەك.

توق ەتەرىن ايتقاندا، مەنى قاسىم-جومارت كەمەل ۇلىنىڭ بۇل جولعى سايلاۋ ناتيجەسىن وزىنە جۇكتەلگەن ۇلكەن جاۋاپكەرشىلىك رەتىندە قابىلداعانى جانە ماسەلەنىڭ باسىن اۋىلدان باستاعانى قۋانتادى.

 

سايران بۇقانوۆ،

قازاقستاننىڭ ەڭبەك ەرى

 

قوستاناي وبلىسى،

مەڭدىقارا اۋدانى،

حاركوۆ اۋىلى

سوڭعى جاڭالىقتار

قىرعىزدىڭ وڭىندەي...

ونەر • بۇگىن، 08:35

تاعى دا تاريف تۋرالى

ايماقتار • كەشە

قولدان شاپقان قوبىز

رۋحانيات • كەشە

كۇلاندا اپا

ەڭ قىسقا اڭگىمە • كەشە

الاش ات تاريحى

قوعام • كەشە

ءبىر ولەڭنىڭ تاريحى

ادەبيەت • كەشە

سۇلتانماحمۇت جەڭىسى

ادەبيەت • كەشە

دالا مەن دارىن

تاريح • كەشە

ۇقساس جاڭالىقتار